17.02.2020

türkiye awazi radiyosi: seudi erebistanda inglizche neshr qilinidighan «eshsherq elewsat» géziti, dékabir éyidin buyan idlib we helebte bir milyon ademning yurt – makanidin ayrilip qalghanliqi toghrisidiki uchurlarni oqurmenliri bilen ortaqlashti.

qatarda chiqidighan «erraye elqatariyye» géziti, amérika qoshma ishtatlirining somaligha qaytidin herbiy yardem bérishni bashlighanliqini xewer qildi.

ereb birleshme xelipilikining «beyan» géziti, xitay yolgha qoyghan chare – tedbirlerning wuxen wirusining tarqilishi süritini astilatqanliqini yazdi.

ispaniyening «él paés» géziti, bérlin bilen parizhning ispaniyeni firansiye – gérmaniye yönilishige tartishqa tirishiwatqanliqini ilgiri sürdi.

argéntinada chiqidighan «infobaé» géziti, boliwéyening sabiq pirézidénti éwo moralésning bügün kéche (siyasiy panahliq tiligen kubadin) argéntinagha qaytqanliqini xewer qildi.

kubaning «prénsa latina» géziti, kuba we xitay bash elchilirining péruda wuxen wirusigha kuba dorisini ishlitish toghrisida söhbetleshkenlikini yazdi.

gérmaniyening «Die Welt» géziti, xitayda wuxen wirusidin yuqumlinip ölgenler sanining 1770 ke yetkenliki toghrisidiki uchurlarni oqurmenliri bilen ortaqlashti.

gérmaniyening «stérn.dé» xewerler tori, gérmaniyediki ashqun ongchi shaykining finlandiye (diki bezi terepler) bilen munasiwiti barliqini ilgiri sürdi.

gérmaniye awazi (DW) radiyosi, (türkiye jumhuriyiti) tashqi ishlar ministiri mewlüt chawushoghluning «rayonimizdiki saqliniwatqan mesililer süniy» dégenlikini yazdi.

firansiyede chiqidighan «lé figaro» géziti, (firansiyediki) pinsiyonérliq islahati pilanining parlaméntqa sunulghanliqini xewer qildi.

firansiyening «frans-24» xewerler qanili, dénnis borinining engliye bilen firansiyege tesir körsetkenlikini yazdi.

shiwéytsariyede chiqidighan «lé témps» géziti, dunya sehiye teshkilatining, wuxen wirusining tarqilish nisbiti toghrisida texminlerni otturigha qoyushning mumkin emeslikini bildürgenlikini xewer qildi.

rusiyening «kommérsant» géziti, türkiyening gazpromdin tebiiy gaz sétiwélishni qisqartqanliqini yazdi.

rusiyede chiqidighan «izwéstiya» géziti, rusiye tashqi ishlar ministiri sérgéy lawrowning, rusiye - yawropa ittipaqi hemkarliqini ukrainagha chétip chüshinishning bimenilik ikenlikini éytqanliqini xewer qildi.

rusiyening «TASS» xewer agéntliqi, shimaliy atlantik ehdi teshkilati – nato bash katipining, yawropa ittipaqining rusiye bilen qoyuq shundaqla ochuq bes – munazirilerni élip bériwatqanliqini éytqanliqini yazdi.