14.02.2020

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

14.02.2020

türkiye awazi radiyosi: seudi erebistanda inglizche neshr qilinidighan «eshsherq elewsat» géziti, seudi erebistanning «israiliye bilen héchqandaq munasiwitimiz yoq we kélechektimu herqandaq bir uchrishish ötküzüsh pilanimiz yoq» dep bayanat bergenlikini xewer qildi.

qatarda chiqidighan «erraye elqatariyye» géziti, iraqning yekshenbe küni yéngi hökümetning élan qilinidighanliqini uqturghanliqini oqurmenlirining diqqitige sundi.

ummanda chiqidighan «elwatan» géziti, iraqning qalduq térrorchilarni yoqitish meqsitide chégra boyida zerbe bérish herikiti élip bérishni bashlighanliqini yazdi.

firansiyening «lé mondé» géziti, (firansiyediki) doxturxana xadimlirining ish tashlashni dawamlashturushqa chaqirilghanliqini xewer qildi.

firansiyede chiqidighan  «lé parisién» géziti, yershari xaraktérlik kilimat issishining, nöldin töwen 20 giradusning üstidiki issiqliqi bilen antariktikada yéngi bir issiqliq rékorti yaratqanliqini yazdi.

firansiyede chiqidighan «lé figaro» géziti, firansiyening (aljiriyening jenubigha tashlighan) atom bombisi mesilisi (aljiriyelik bir ministirning qarishiche) hazirmu firansiye bilen aljiriye arisidiki hel qilinishi kérek bolghan bir mesile ikenlikini ilgiri sürdi.

gérmaniye awazi (DW) radiyosi, miyunxén xewpsizlik yighinining bügün bashlinidighanliqini xewer qildi.

gérmaniyening «Die Welt» géziti, gérmaniye ichki ishlar ministiri sxoférning yéngi bir musapirlar kirizisi toghrisida agahlandurghanliqini yazdi.

yene gérmaniyening «Süddeutsche Zeitung» géziti, xitaydiki yéngi tiptiki tajsiman wirus bilen yuqumlanghuchilar sanida rékort derijide éshish körülgenliki toghrisidiki uchurlarni oqurmenliri bilen ortaqlashti.

ispaniyening «él paés» géziti, (ispaniye) hökümet bilen dunya sehiye teshkilatining, barsélonada échilishi pilanliniwatqan dunyaning eng chong yanfon yermenkisi – köchme xewerlishish dunya qurultiyi -2020 ning wuxen wirusi endishisi bilen emeldin qaldurulushini eyibligenlikini yazdi.

ispaniyening «él mundo» géziti, ispaniyelik oqughuchilarning engliyening yawropa ittipaqidin ayrilip chiqish qararigha qarimay engliyediki uniwérsitétlarda oqushni xalaydighanliqini ilgiri sürdi.

wénézuélada chiqidighan «télésur» géziti, kolombiye ishsizlik orginining, dölet ministiri iwan dukning eyibleshlirini ret qilip, xelqni naraziliq bildürüp namayish ötküzüshke chaqirghanliqini xewer qildi.

rusiyening «TASS» xewer agéntliqi, rusiye elchixanisining amérika qoshma ishtatlirining yéngi émbargolirigha «yéngi rusiye wehimisi» dep baha bergenlikini yazdi.

rusiyening «ria nowosti» xewer agéntliqi, péntagonning, rusiyening yéngi qoralini özining yadro küchige nisbeten tehdit dep qaraydighanliqini ilgiri sürdi.

rusiyede chiqidighan «izwéstiya» géziti, ukrainaning xitaydiki puqralirini qayturup kélidighanliqini élan qilghanliqi toghrisidiki uchurlarni oqurmenliri bilen ortaqlashti.


خەتكۈچ: uyghurche , gézit , metbuat , chet el , türkiye

مۇناسىۋەتلىك خەۋەرلەر