14.02.2020

бүгүнки чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

14.02.2020

түркийә авази радийоси: сәуди әрәбистанда инглизчә нәшр қилинидиған «әшшәрқ әләвсат» гезити, сәуди әрәбистанниң «исраилийә билән һечқандақ мунасивитимиз йоқ вә келәчәктиму һәрқандақ бир учришиш өткүзүш пиланимиз йоқ» дәп байанат бәргәнликини хәвәр қилди.

қатарда чиқидиған «әррайә әлқатариййә» гезити, ирақниң йәкшәнбә күни йеңи һөкүмәтниң елан қилинидиғанлиқини уқтурғанлиқини оқурмәнлириниң диққитигә сунди.

умманда чиқидиған «әлватан» гезити, ирақниң қалдуқ террорчиларни йоқитиш мәқситидә чегра бойида зәрбә бериш һәрикити елип беришни башлиғанлиқини йазди.

фирансийәниң «ле монде» гезити, (фирансийәдики) дохтурхана хадимлириниң иш ташлашни давамлаштурушқа чақирилғанлиқини хәвәр қилди.

фирансийәдә чиқидиған  «ле парисиен» гезити, йәршари характерлик килимат иссишиниң, нөлдин төвән 20 гирадусниң үстидики иссиқлиқи билән антариктикада йеңи бир иссиқлиқ рекорти йаратқанлиқини йазди.

фирансийәдә чиқидиған «ле фигаро» гезити, фирансийәниң (алҗирийәниң җәнубиға ташлиған) атом бомбиси мәсилиси (алҗирийәлик бир министирниң қаришичә) һазирму фирансийә билән алҗирийә арисидики һәл қилиниши керәк болған бир мәсилә икәнликини илгири сүрди.

германийә авази (DW) радийоси, мийунхен хәвпсизлик йиғининиң бүгүн башлинидиғанлиқини хәвәр қилди.

германийәниң «Die Welt» гезити, германийә ички ишлар министири схоферниң йеңи бир мусапирлар киризиси тоғрисида агаһландурғанлиқини йазди.

йәнә германийәниң «Süddeutsche Zeitung» гезити, хитайдики йеңи типтики таҗсиман вирус билән йуқумланғучилар санида рекорт дәриҗидә ешиш көрүлгәнлики тоғрисидики учурларни оқурмәнлири билән ортақлашти.

испанийәниң «ел паес» гезити, (испанийә) һөкүмәт билән дунйа сәһийә тәшкилатиниң, барселонада ечилиши пиланлиниватқан дунйаниң әң чоң йанфон йәрмәнкиси – көчмә хәвәрлишиш дунйа қурултийи -2020 ниң вухән вируси әндишиси билән әмәлдин қалдурулушини әйиблигәнликини йазди.

испанийәниң «ел мундо» гезити, испанийәлик оқуғучиларниң әнглийәниң йавропа иттипақидин айрилип чиқиш қарариға қаримай әнглийәдики университетларда оқушни халайдиғанлиқини илгири сүрди.

венезуелада чиқидиған «телесур» гезити, коломбийә ишсизлик оргининиң, дөләт министири иван дукниң әйибләшлирини рәт қилип, хәлқни наразилиқ билдүрүп намайиш өткүзүшкә чақирғанлиқини хәвәр қилди.

русийәниң «TASS» хәвәр агентлиқи, русийә әлчиханисиниң америка қошма иштатлириниң йеңи ембарголириға «йеңи русийә вәһимиси» дәп баһа бәргәнликини йазди.

русийәниң «риа новости» хәвәр агентлиқи, пентагонниң, русийәниң йеңи қоралини өзиниң йадро күчигә нисбәтән тәһдит дәп қарайдиғанлиқини илгири сүрди.

русийәдә чиқидиған «известийа» гезити, украинаниң хитайдики пуқралирини қайтуруп келидиғанлиқини елан қилғанлиқи тоғрисидики учурларни оқурмәнлири билән ортақлашти.



مۇناسىۋەتلىك خەۋەرلەر