24.01.2020

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

24.01.2020

türkiye awazi radiyosi: 

seudi erebistanda inglizche neshr qilinidighan «eshsherq elewsat» géziti, amérika qoshma ishtatlirining iraqtiki herbiy mewjudiyiti toghrisida baghdad bilen washingtonning söhbet ötküzgenliki toghrisidiki uchurlarni oqurmenliri bilen ortaqlashti.qatarda chiqidighan «erraye elqatariyye» géziti, qatarning özige émbargo yürgüzüwatqan döletlerge chaqiriq qilip, saqliniwatqan mesililerni héchqandaq shertke béqinmighan halette diyalog ötküzüsh arqiliq terepdari ikenlikini élan qilghanliqini yazdi.

ummanda chiqidighan «watan» géziti, 20 ministirdin teshkil tapqan liwan hökümitining qurulghanliqini xewer qildi.

firansiyening «lé mondé» géziti, pinsiyonérliq islahati mesiliside hökümetning tonélning yene bir teripige chiqishigha xéli musape barliqini yazdi.

firansiyede chiqidighan  «lé parisién» géziti, firansiye doxturxanilirining xitayda bash kötürgen yéngi wirusqa qarshi küreshke teyyar ikenliki toghrisidiki uchurlarni oqurmenliri bilen ortaqlashti.

firansiyede chiqidighan «lé figaro» géziti, bélgiyening zéébruggé shehiride bir tonglitish aptomobilining ichidin 23 köchmenning chiqqanliqini yazdi.

ispaniyening «él mundo» géziti, wénézuélada özini pirézidént dep élan qilghan xuen guaydoning gérmaniye bash ministiri angéla mérkél we firansiye pirézidénti émanuél makronning qollishigha érishishke muweppeq bolghanliqini xewer qildi.

argéntinada chiqidighan «infobaé» géziti, péruning paytexti limada bir yéqilghu yötkesh aptomobili partlap kétip ikki ademning ölgenliki, 50 tin artuq ademning yarilanghanliqini xewer qildi.

ékwatorda chiqidighan «él komérsio» géziti, wénézuéla pirézidénti nékolas maduroning dölitidiki milliy mejlis saylimi üchün birleshken döletler teshkilati (b d t) din bir közetküchi heyet ewetishni telep qilghanliqini yazdi.

rusiyening «tass» xewer agéntliqi, xitayning, rusiyening b d t  xewpsizlik kéngishi daimiy ezaliri bashliqlar yighini ötküzüsh teklipini qollighanliqini xewer qildi.

rusiyede chiqidighan «izwéstiya» géziti, gérmaniyening alaqidar tereplerni rusiyege yürgüzülüwatqan émbargolarni bikar qilishqa chaqirghanliqi toghrisidiki uchurlarni oqurmenliri bilen ortaqlashti.

rusiyening «ria nowosti» xewer agéntliqi, amérikining tashqi ishlar ministirliqining süriyediki rusiye we amérika eskerliri arisida yüz bergen tar dairilik toqunush toghrisida bayanat bergenlikini xewer qildi.

gérmaniye awazi (DW) radiyosi, qibrisliq rim lidér anastasiadisning, türkiye bilen qibris rim terep arisida yüz bergen sürkilish toghrisida mérkéldin yardem telep qilghanliqini yazdi.

gérmaniyening «Die Welt» géziti, tramp hökümitining tughut sayahitining aldini élish üchün hamildar ayallargha wiza bermeslikni qarar qilghanliqi toghrisidiki uchurlarni oqurmenlirining diqqitige sundi.

yene gérmaniyening «shpiégél onlayn» xewerler tori, jumhur reis erdoghanning istanbulda bash ministir angéla mérkél bilen körüshidighanliqini xewer qildi.


خەتكۈچ: uyghurche , gézit , metbuat , chet el , türkiye

مۇناسىۋەتلىك خەۋەرلەر