23.01.2020

bügünki chet el metbuatliridin tallap teyyarlighan qisqiche xewerlirimiztöwendikiche:

23.01.2020

türkiye awazi radiyosi: seudi erebistanda inglizche chiqidighan «eshsherq elewsat géziti», iranda 5.2 bal yer tewrigenlikini xewer qildi.

qatarda chiqidighan «elraya elqatariyya géziti»,  iraqta bash ministirliqi wezipisi mesiliside pikir birliki hasil qilinalmighanliqini we namayishlarning téximu zoriyiwatqanliqini xewer qildi.

liwanda chiqidighan «elayam géziti», maliye ministirining kirizis dawamlashqan ehwalda weyranchiliqning yüz béridighanliqini éytqanliqini élan qildi.

gérmaniyening «tagésshaw» (Tagesschau) tori, türkiye panahlanghuchilar kélishimining yawropa ittipaqi teripidin buzulghanliqini xewer qildi.

xewerde, gérmaniye bash ministiri angéla mérkélning türkiyeni ziyaret qilishtin burun, tashqi ishlar ministiri mewlüt chawushoghluning gérmaniye bilen yawropa ittipaqini tenqid qilip, türkiye panahlanghuchilar kélishimige sadiq bolghan ehwalda, yawropa ittipaqining wede qilghan pulni tölimigenlikini éytqanliqi qeyt qilindi.

gérmaniyening «bild» (Bild) tori, gérmaniye ichki ishlar ministiri xorst zéhofa (Horst Seehofer) « 18-kombat» guruppisini chekligenlikini xewer qildi.

gérmaniye awazi radiyosi, gérmaniye hökümitining layaqetlik xizmetchiler mesilisini hel qilish üchün «yéngi maslishish heriket pilani»  teyyarlighanliqini xewer qildi.

argéntinada chiqidighan «infobiya géziti» (Infobae), méksika hökümitining yuqumluq wirus toghrisida agahlandurush chiqarghanliqini, biraq teyyar turush kérek bolsimu, késellik toghrisida mutexessislerning yoq ikenlikini xewer qildi.

 ispaniyede chiqidighan «él mundo géziti» (El Mundo), wénézuélaning öktichi rehbiri xuen guaydoning yawropa ittipaqining qollishigha érishkenlikini xewer qildi.

xuen guaydo bayanat élan qilip: «wénézuélaliqlar bashtin kechürüwatqan tiragédiyelerni axirlashturush üchün yawropagha keldim» dégen.

ispaniyede chiqidighan «él pais géziti» (El Pais), ispaniyede eng töwen maashning 950 yawro bolup belgilengenlikini xewer qildi.

firansiyede chiqidighan «lé figaro géziti», firansiyening «wuxen wirusi» gha qarshi teyyarliniwatqanliqini élan qildi.

firansiyede chiqidighan «lé mondé géziti» (Le Monde), firansiye pirézidénti makronning sherqiy quddustiki muqeddes jaylarni ziyaret qilghanliqini xewer qildi.

shiwéytsariyede chiqidighan «lé témps géziti», pirézidént trampning nishanida yawropaning barliqini xewer qildi.



مۇناسىۋەتلىك خەۋەرلەر