13.01.2020

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

13.01.2020

türkiye awazi radiyosi: seudi erebistanda inglizche neshr qilinidighan «eshsherq elewsat» géziti, baghdadning shimalidiki amérika eskerliri turuwatqan bir herbiy bazigha bashqurulidighan bombilarning étilghanliqini xewer qildi.

qatarda chiqidighan «erraye elqatariyye» géziti, iraqta namayishlarning qaytidin ewj alghanliqini, saqchilar bilen namayishchilar arisida yüz bergen toqunushlarda onlarche ademning yarilanghanliqini yazdi.

yene seudi erebistanda inglizche neshr qilinidighan «eshsherq elewsat» géziti, iranning ukraina ayropilanining chüshürüwétilishige alaqidar heqiqetlerni yoshurghanliqi toghrisidiki xewerlerni ret qilghanliqi heqqidiki uchurlarni oqurmenliri bilen ortaqlashti.

firansiyening «lé mondé» géziti, liwiyening paytexti tirablustiki urush toxtitishning türkiye – rusiye muresseleshtürüshining ünümini namayan qilip bergenlikini ilgiri sürdi.

firansiyening «frans-24» xewerler qanili, (firansiye bash ministiri) édwar filippéning pinsiyonérliq islahati qedemlirining adaqqiche dawamlashturulidighanliqini éytqanliqini xewer qildi.

yene firansiyening «libéréyshén» géziti, alaqidar emeldarlarning, iranda chüshüp ketken boyéng ayropilani toghrisidiki étiraplirining naraziliq peyda qilghanliqini yazdi.

ispaniyede chiqidighan «la wanguardia» géziti, türkiyening, liwiye we idlibta hasil qilinghan urush toxtitishning özining «tinchliq diplomatiyesi»ning mehsuli ikenlikini élan qilghanliqini yazdi.

ispaniyening «él paés» géziti, ispaniye hökümitining uyushmilar we xizmet bilen teminligüchiler bilen deslepki qedemde töwen maash miqdari mesiliside yarishish hasil qilishni xalaydighanliqini ilgiri sürdi.

chilida chiqidighan «la térséra» géziti, réal madrid komandisining atlétiko (madrid) komandisini jaza topi arqiliq yéngip, ispaniye chong longqisini alghanliqi toghrisidiki uchurlarni oqurmenliri bilen ortaqlashti.

rusiyening «kommérsant» géziti, téhrandiki ayropilan pajiesi üchün ukrainaning tölem telep qilidighanliqini yazdi.

rusiyede chiqidighan «izwéstiya» géziti, awstriye tashqi ishlar ministirining «nord strim-2» turuba liniyesige jaza yürgüzüshni qobul qilishning mumkin emeslikini éytqanliqini xewer qildi.

rusiyening «tass» xewer agéntliqi, amérika qoshma ishtatliri bilen türkiyening ottura sherqte natoning rolini kücheytishning yolliri üstide söhbet ötküzgenlikini yazdi.

gérmaniye awazi (DW) radiyosi, yawropa ittipaqi kéngishi bashliqi charlés michélning liwiye mesiliside sözlishish üchün istanbulgha kélip, jumhur reis rejep tayyip erdoghan bilen körüshkenliki toghrisidiki melumatlarni oqurmenliri bilen ortaqlashti.

gérmaniyening «Die Welt» géziti, trampning irandiki hakimiyetke qarshi namayishlarni qollaydighanliqi toghrisida wede bergenlikini yazdi.

yene gérmaniyening «Tagesschau» géziti, awstraliye bash ministirining kilimat siyasitini özgertidighanliqining signalini bergenlikini ilgiri sürdi.


خەتكۈچ: gézit , uyghurche , metbuat , chet el , türkiye

مۇناسىۋەتلىك خەۋەرلەر