09.12.2019

бүгүнки чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

09.12.2019

түркийә авази радийоси: қатарда чиқидиған «әррайә әлқатариййә» гезити, парс қолтуқи әллири башлиқлар йиғининиң әтә сәуди әрәбистанниң пайтәхти рийадта чақирилидиғанлиқини хәвәр қилди.

сәуди әрәбистанда инглизчә нәшр қилинидиған «әшшәрқ әләвсат» гезити, ирақта 2626 намайишчиниң қойуп берилидиғанлиқини... бағдад һәрбий һәрикәтләр қоманиниң вәзиписидин елип ташланғанлиқини хәвәр қилди.

умманда чиқидиған «әлвәтан» гезити, сүрийәниң шәрқий қисмидики һава һуҗумида иран тәрәпдари 5 кишиниң өлгәнликини йазди.

германийәниң «билд.де» гезити, германийә баш министири ангела меркелниң бүгүн русийә пирезиденти виладимир путин билән көрүшидиғанлиқи тоғрисидики учурларни оқурмәнлири билән ортақлашти.

германийәниң «шпиегел.де» хәвәрләр тори, русийәниң олимпик мусабиқилиридин чәклиниш еһтимали барлиқини, дунйа қозғатқучи дориларни ишлитишкә қарши туруш агентлиқиниң бүгүн русийәгә алақидар «дело»да һөкүм чиқиридиғанлиқини йазди.

германийә авази (DW) радийоси, дунйадики қорал ишләпчиқириш хизмәтлириниң йуқири сүрәт билән давамлишиватқанлиқини, шиветсийәниң пайтәхти ситокһолмдики хәлқара тинчлиқ институтиниң, дунйадики әң чоң 100 қорал ишләпчиқарғучиниң 2018 – йили сәрмайисини икки һәссә ашурғанлиқини әскәрткәнликини хәвәр қилди.

аргентада чиқидиған «инфобае» гезити, (бүгүнниң) коломбийәдә иван дук һөкүмитигә қарши йеңидин намайиш өткүзүш күни икәнликини йазди.

испанийәниң «лавангуардиа» гезити, каталонийәдики җумһурийәтчи солчилар, роджестуа байримидин бурун испанийә сотсийалистик ишчилар партийәси билән келишим түзүшниң «наһайити қийин» дәп қарайдиғанлиқини хәвәр қилди.

чилиниң «RPP»  гезити, чили һөкүмитиниң бесимға қарши намайишлардин кейин сақчи ислаһатини елан қилғанлиқини йазди.

русийәниң «газәтә.ру» хәвәрләр тори, москваниң «нормандийә төт тәрипи» башлиқлар йиғинида қаттиқ позитсийә билдүридиғанлиқини илгири сүрди.

русийәниң «RBK» гезити, русийә асасий қанунини өзгәртиш керәк дәп қарайдиған пуқралар саниниң бир йерим һәссә ашқанлиқини, русларниң %68 иниң асасий қанунға өзгәртиш киргүзүлүши керәк, дәп қарайдиғанлиқини оқурмәнлири билән ортақлашти.

русийәдә чиқидиған «известийа» гезити, столтенберг русийәгә натониң дүшмини дәп баһа беришни рәт қилғанлиқини йазди.

фирансийәниң франс-24 хәвәрләр қанили, фирансийәдики пинсийонерлиқ ислаһатиға қарши иш ташлаш вә намайишларниң давамлишиватқанлиқи тоғрисидики учурларни оқурмәнлири билән ортақлашти.

фирансийәниң «ле монде» гезити, америка қошма иштатлириниң һазирму дунйаниң әң чоң қорал ишләпчиқарғучиси икәнликини йазди.



مۇناسىۋەتلىك خەۋەرلەر