чәт әл мәтбуатлирида бүгүн: 05.12.2019

бүгүнки чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

чәт әл мәтбуатлирида бүгүн: 05.12.2019

түркийә авази радийоси: германийәниң «‹ Zeit.de › хәвәрләр тори»,  германийә баш министири ангела меркел билән америка қошма иштатлири пирезиденти доналд трампниң шималий атлантик әһди тәшкилати башлиқлар йиғининиң мувәппәқийәтлик өткәнликини ейтқанлиқини оқурмәнлири билән ортақлашти.

германийәниң «‹ Deutsche Welle› хәвәрләр тори», германийәдин көчүп кетиватқанлардин көпинчисиниң академиклар икәнликини хәвәр қилди.

испанийәдә чиқидиған «‹ El País › гезити», коломбийәдә икки һәптә ичидә өткүзүлгән үчинчи қетимлиқ иш ташлаш намайишиға он миңларчә кишиниң қатнашқанлиқини йазди.

испанийәдә чиқидиған «‹ ABC› гезити», испанийә баш министири педро санчезниң түркийә җумһурийити җумһур рәиси рәҗәп таййип әрдоған билән көрүшкәнликини оқурмәнлири билән ортақлашти.

венезуеланиң «‹ Telesur› телевизийә қанили», аргентинадин кишилик һоқуқ мәсилилирини тәкшүрүш үчүн боливийәгә кәткән һәйәтниң, дөләттә кишилик һоқуқ дәпсәндичиликлириниң барлиқини җакарлиғанлиқини хәвәр қилди.

сәуди әрәбистанда ингилиз тилида чиқидиған «‹әшшәрқул әвсәт› гезити» муну учурларни оқурмәнлириниң диққитигә сунди:

америка қошма иштатлири аридин 23 йил өткәндин кейин тунҗи қетим судан билән өзара баш әлчи тәйинләшни қарарлаштурди.

«‹әлқудсул әрәби› гезити», җумһур рәис рәҗәп таййип әрдоғанниң «бизниң сүрийәниң тееротерийәсини бесивелиш нийитимиз йоқ, ач көзләр сүрийәдин чиқип кетиши керәк» дегән сөзлирини нәқил кәлтүрди.

фирансийәниң «‹ France 24 › телевизийә қанили», 5 – декабирдики ачлиқ елан қилиш намайишиниң сәвәбиниң, пинсийонерлиқ ислаһатиға қарши  сәпәрвәрлик паалийити икәнликини хәвәр қилди.

фирансийәдә чиқидиған «‹ Le Parisien › гезити», вири – чатиллон шәһиридә сақчиларға от қойуп бериш вәқәси билән четилишлиқи бар җавабкарлар үчүн 10 йиллиқтин 20 йилллиққичә қамақ җазаси берилгәнликини оқурмәнлириниң диққитигә сунди.

русийәниң «‹ TASS › агентлиқи », русийә германийәниң икки рус дипломатни чеградин қоғлап чиқиришиға җаваб қайтуридиғанлиқини йазди.

русийәниң «‹ INTERFAKS › агентлиқи » муну учурларни оқурмәнлири билән ортақлашти:

русийә пирезиденти виладимир путин булғарийәниң «түрк еқими» тәбиий газ туруба линийәси қурулушини қәстән астилатқанлиқини ейтти.

русийәниң «‹ GAZETEM.RU  › хәвәрләр тори », песковниң «шималий атлантик әһди тәшкилатиниң хамчот миқдарини ашуруши бизни қаттиқ әндишигә салиду» дегән сөзлирини нәқил кәлтүрди.

 



مۇناسىۋەتلىك خەۋەرلەر