03.12.2019

бүгүнки чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

03.12.2019

түркийә авази радийоси: қатарда чиқидиған «‹әррайәл қәтәриййә› гезити», түркийәниң ливийә билән түзүлгән келишимниң қанунлуқ икәнликини билдүргәнликини оқурмәнлири билән ортақлашти.

умманда чиқидиған «‹вәтән› гезити» ниң хәвиридә, сүрийәдә мина партлаш нәтиҗисидә 3 рус әскириниң йариланғанлиқи әскәртилди.

 сәуди әрәбистанда ингилиз тилида чиқидиған «‹әшшәрқул әвсәт› гезити», иранда йеқиндин буйан дөләтниң 40 йиллиқ тарихидики әң қанлиқ намайишлириниң өткүзүлүватқанлиқини йазди.

испанийәдә чиқидиған «‹ El País › гезити», испанийә падишаһи 6 – фелипениң «һечқандақ бир чәклимә йәр шари характерлик килимат өзгиришигә қарши қалқан болалмайду» дегән сөзлирини нәқил кәлтүрди.

испанийәдә чиқидиған «<әлмундо> гезити» (El Mundo), санчез һөкүмитиниң пиланлирини ишқа ашуруш үчүн икки ай ичидә 35 милйард йавролуқ мәбләғ тепишқа мәҗбур икәнликини оқурмәнлириниң диққитигә сунди.

аргентинада чиқидиған «‹ Clarín› гезити», биразилийә пирезиденти җайр болсонарониң, алйумин вә полат мәһсулатлири беҗи тоғрулуқ тохталғанда қилған «трампниң бизни чүшиниши вә җазаландурмаслиқини үмид қилимән» дегән сөзлирини нәқил кәлтүрди.

шивейтсарийәдә чиқидиған «<ле темпс> гезити» (Le Temps), вашингтонниң фирансийә мәһсулатлиридин елинидиған баҗни өстүрүшни пиланлаватқанлиқини йазди.

фирансийәдә чиқидиған «‹ Le Parisien › гезити» муну учурларни оқурмәнлириниң диққитигә сунди:

 5 – декабир күни бир тәрәптин пинсийунерлиқ ислаһатиға қарши намайиш, йәнә бир тәрәптин,  шималий атлантик әһди тәшкилати башлиқлар йиғини өткүзүлиду. бу һәптә елисе сарийи (фирансийә пирезидент сарийи) ға нисбәтән хирислар йүксәк сәвйәдә болған бир һәптә һесаблиниду.

германийәниң «‹ DW › хәвәрләр тори», йавропа рәһбәрлириниң җумһур рәис рәҗәп таййип әрдоған билән бирликтә сөһбәт үстилигә олтуридиғанлиқини йазди.

германийәниң «‹ Spiegel Online › хәвәрләр тори» ниң хәвиридә мундақ дейилди: «килимат өзгиришидә барса кәлмәс йолда кетиватимиз.»

«‹ Focus Online › хәвәрләр тори» муну учурларни оқурмәнлири билән ортақлашти:

 көчмәнләрниң сийасий панаһлиқ тиләш мәсилиси тәкрарлиниватиду. германийәдә үчинчи қетим сийасий панаһлиқ тилигүчиләрниң сани 4 миң 916 ға йетиду. кәм дегәндә бәшинчи қетим сийасий панаһлиқ тилигүчиләрниң сани болса 294 кә йетиду.

русийәниң «‹ TASS › агентлиқи », җумһур рәис рәҗәп таййип әрдоғанниң «шималий атлантик әһди тәшкилатиниң қурулмисида ислаһат елип берилмиса зади болмайду» дегән сөзлирини нәқил кәлтүрди.

русийәниң «‹ RIA Novosti› хәвәр агентлиқи», түркийәниң русийәниң « Su-35» типлиқ уруш айропиланлириға мунасивәтлик тәклипи һәққидә ойлишиватқанлиқини йазди.

русийәниң «‹ Lenta.ru › хәвәрләр тори», русийә пирезиденти виладимир путинниң рус йумталлири қачиланмиған әқиллиқ телефон вә компийутерларни сетиш мәний қилинидиған қарарнамини имзалиғанлиқини оқурмәнлириниң диққитигә сунди.

 



مۇناسىۋەتلىك خەۋەرلەر