02.12.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

02.12.2019

türkiye awazi radiyosi: qatarda chiqidighan «erraye elqatariyye» géziti, yéqinqi ikki yil ichide ghezzedin israiliyege 2600 dane bashqurulidighan bomba qoyup bérilgenlikini yazdi.

seudi erebistanda inglizche neshr qilinidighan «eshsherq elewsat» géziti, iraqliq namayishchilarning iranning nejeftiki konsulxanisigha ikkinchi qétim ot qoyup bergenliki toghrisidiki uchurlarni oqurmenliri bilen ortaqlashti.

kuweytte chiqidighan «elwatan» géziti, shahzade wilyamning kuweytte dölet ishliri ziyaritide bolidighanliqini xewer qildi.

gérmaniyening «bild.dé» géziti, gérmaniye eskerlirining intizamgha boysunmighanliqi üchün jazalanghanliqini yazdi؛ gérmaniyede 1000 gha yéqin esker haraq échkenlik we xizmet ornigha kelmigenliki üchün intizam jazasigha uchrighan.

gérmaniye awazi (DW) radiyosi, yawropa ittipaqi komitétining yéngi bashliqining xizmetke chüshkenlikini xewer qildi؛ gérmaniyelik siyasetchi ursula won dér léyén bashchiliqidiki yéngi yawropa ittipaqi komitéti wezipe öteshni resmiy bashlighan.

yene gérmaniyening «shpiégél.dé» tori, london chongluqidiki bir muz parchisining jenubiy muz déngizidin yéqinda ayrilip déngizgha qoshulup kétish éhtimali barliqi toghrisidiki uchurlarni oqurmenliri bilen ortaqlashti.

firansiyening «lé mondé» géziti, firansiyening liwiye déngiz qirghiqi mudapie etritige paraxot bérishtin waz kechkenlikini yazdi.

firansiyede chiqidighan «lé figaro» géziti, médiapartning liwiye maliye menbesi (ge alaqidar délo) toghrisidiki bayanida, (firansiyening sabiq pirézidénti) sarkozyning bir yéqinining 2006 – yili 440 ming yawro qobul qilghanliqi ilgiri sürülgenlikini xewer qildi.

firansiyede chiqidighan  «lé parisién» géziti, (firansiye pirézidénti) makronning, malida öltürülgen qehriman eskerlerni xatiriligenlikini we bu ishning döletni birleshtürüshini ümid qilidighanliqini éytqanliqini yazdi.

rusiyening  RBK géziti, ukraina ichki kabinétining rusiyening ikki rayonini öz dölitige qoshuwélishqa teyyar ikenlikini bildürgenlikini xewer qildi.

régnum xewer agéntliqi, amérika qoshma ishtatlirining «shimaliy éqim-2» qurulushi tüpeyli rusiyege émbargo yürgüzüsh éhtimali barliqini ilgiri sürdi.

rusiyening «lénta.ru» xewerler tori, rusiyening zabaykalyé rayonida bir aptobusning deryagha chüshüp kétip, 19 ademning jénidin ayrilghanliqini yazdi.

ispaniyening «él paés» géziti, (madridtiki) kilimat yighinining, döletlerning zeherlik gaz chiqirish nisbitini töwenlitish üchün téximu qattiq tedbirlerni yolgha qoyushning yollirini izdewatqanliqini qeyt qildi.

méksikaning «él uniwérsal» géziti, bir qétimliq toqunushta 21 ademning ölüshidin kéyin, méksikadiki zeherlik chékimlik sodisi seweb boluwatqan zorawanliqning barghanche qorqunchluq tüske kirgenlikini yazdi.

ispaniyening «él mundo» géziti, zorawanliq weqeliri we iqtisadtiki turghunluqning (bash ministir) lopéz obradorning wezipe ötishining birinchi yil aylinishigha kölengge chüshürüwatqanliqini bildürdi.


خەتكۈچ: türk , uyghurche , metbuat , chet el

مۇناسىۋەتلىك خەۋەرلەر