22.10.2019

türkiye awazi radiyosi: seudi erebistanda ingiliz tilida chiqidighan «‹eshsherqul ewset› géziti», israiliye bash ministiri bényamin nétanyahuning hökümet qurush paaliyetliridin waz kechkenlikini yazdi.

qatarda chiqidighan «‹errayel qeteriyye› géziti», jumhur reis rejep tayyip erdoghanning «süriyening bir ghérich zémininimu ishghal qilmaymiz hemde térrorchilar bilen söhbet ötküzmeymiz» dégen sözlirini neqil keltürdi.

ummanda chiqidighan «‹elweten› géziti»,  liwan hökümitining islahat pilani we 2020 – yilliq xamchot layihesini awazgha qoyghanliqini, uchur - alaqe ishliri ministirliqini bikar qilghanliqini we bezi dölet orunlirini birleshtürgenlikini yazdi.

gérmaniyening «‹ Deutsche Welle› xewerler tori», jumhur reis rejep tayyip erdoghan bilen rusiye pirézidénti wiladimir putinning ««<tinchliq buliqi> herbiy herikiti» toghruluq muzakire élip bérish üchün sochida bir yerge jem bolidighanliqini  oqurmenlirining diqqitige sundi.

gérmaniyening «‹Tagesschau.de › xewerler tori», dölet mudapie ministiri kramp – karrénbaérning süriyening shimaliy qismi mesilisi üchün xelqara jemiyetning kontirolluqida bixeter rayon shekillendürüsh teklipini sunghanliqini uqturdi.

gérmaniyening «‹ Weser-Kurier ›  axbarat orgini», aridin 20 yil ötkendin kéyin tömür yoli éléktronluq bélitining qaytidin sétilishqa bashlighanliqini oqurmenliri bilen ortaqlashti.

boliwiyede chiqidighan«‹ La Nación› géziti»,  boliwiyede ötküzülgen birinchi basquchluq saylamda pirézidént éwo moralésmning ghelibe qilghanliqini xewer qildi.

ispaniyede chiqidighan «‹ El País › géziti», diktator frankoning jeset qalduqlirining xatire sariyidin chiqirilip yötkilishige 22 ailining shahit bolidighanliqini, buning üchün 63.061 yawro chiqim kétidighanliqini oqurmenlirining diqqitige sundi.

ispaniyede chiqidighan «<elmundo> géziti» (El Mundo), ispaniye bash weziri pédro sanchézning barsélonada sant paw doxturxanisini ziyaret qilghanda doxturxana xadimining naraziliqigha uchrighanliqini, mezkur xadimning «siyasiy tutqunlargha erkinlik bérilsun!» dep shoar towlighanliqini oqurmenliri bilen ortaqlashti.

firansiyede chiqidighan «< Libération> géziti», firansiye pirézidénti émmanuél makronni hindi okyanda nahayiti qiyin bir küntertipning kütüwatqanliqini yazdi.

rusiyede chiqidighan«‹ Izvestiya› géziti», rusiye hawa armiyesige ait tik uchar ayropilanlarning amérika qoshma ishtatlirining süriyediki kona herbiy bazisigha qonghanliqini oqurmenlirining diqqitige sundi.

rusiyening «‹ RIA Novosti› xewer agéntliqi», «ziddiyetlik bayanatlar kéliwatidu: amérika qoshma ishtatliri türkiye bilen urush qilishqa teyyarmu?» serlewhilik xewirini oqurmenliri bilen ortaqlashti.