09.10.2019

bügünki chet el metbuatliridin tallap teyyarlighan qisqiche xewerlirimiztöwendikiche:

09.10.2019

 türkiye awazi radiyosi: seudi erebistanda chiqidighan «eshsherq elewsat géziti», baghdad hökümiti bilen namayishchilarning, namayishlarni toxtitish toghrisida kélishkenliklirini xewer qildi.

qatarda chiqidighan «elraya elqatariyya géziti», türkiyening süriyede herbiy heriket élip bérish üchün teyyarliqlirini tamamlighanliqini xewer qildi.

liwanda chiqidighan «elmusteqbal géziti», enqerening, «eger mesile bixeterlikimiz bolsa, özimizning yolini we chégralirimizni özimiz sizimiz» dégenlikini élan qildi.

ispaniyede chiqidighan «él pais géziti» (El País), ispaniye tashqi ishlar ministirliqining kataloniye aptonom rayonluq hökümetning rehbiri kwim torra (Quim Torra) ni ispaniyedin bölünüsh üchün elchilik tori teshkillesh bilen eyibligenlikini élan qildi.

méksikada chiqidighan «él finanséyro géziti» (El Financiero), hkkümetke qarshi namayishlar dawamlishiwatqan ékwadorda, dölet idare-organliri jaylashqan barliq rayonlarda kochigha chiqishning cheklengenlikini xewer qildi.

argéntinada chiqidighan «infobiya géziti» (Infobae), amérikaning wénézuélada özini waqitliq pirézidént dep élan qilghan öktichi rehber xuen guaydogha 98 milyon dollar qoshumche yardem qilishqa wede qilghanliqini élan qildi.

firansiyede chiqidighan «lé parisiyén géziti» (Le Parisien), xata ozuqlinish xahishlirining kishini endishige salidighanliqini xewer qildi.

gérmaniye awazi radiyosi xewiri, gérmaniyening yéngi musapirlar dolquni toghrisida agalandurush élan qilghanliqini xewer qildi.

amérikaning «n t w» (n-tv) téléwiziyesi, jumhuriyetchiler partiyesining pirézidént trampning süriye siyasitini tenqid qiliwatqanliqini xewer qildi.

roytérs agéntliqi, b d t bash katipi antoniyo gutérrsning muzakireler sewebidin noyabir éyi (2019) da b d t xizmetchilirining maashini tarqitalmasliqliri mumkinlikini éytqanliqini xewer qildi.

rusiyede chiqidighan «rossiyskaya géziti» (Rossiyskaya), dunya bankasining rusiyening iqtisadiy éshish mölcherini töwenletkenlikini élan qildi.

rusiyede chiqidighan «izwéstiya géziti» (İzvestiya), niyu york taymés gézitining, rusiye istixbarat idariside yawropaning muqimliqigha buzghunchiliq qilish meqsitide qurulghan mexsus organning barliqini xewer qilghanliqini élan qildi.



مۇناسىۋەتلىك خەۋەرلەر