11.09.2019

bügünki chet el metbuatliridin tallap teyyarlighan qisqiche xewerlirimiztöwendikiche:

11.09.2019

türkiye awazi radiyosi: seudi erebistanda chiqidighan «eshsherq elewsat géziti», ereb ittipaqi tashqi ishlar ministirlirining isirailiye bash ministiri nétanyahu élan qilghan bayatning, xelqara qanungha qanungha xilap ikenlikini bildürüp eyibgenlikini xewer qildi.

qatarda chiqidighan «elraya elqatariyya géziti», ereb ittipaqi tashqi ishlar ministirlirining isirailiye bash ministiri nétanyahu élan qilghan iyordan deryasining gherbiy qirghiqidiki bezi jaylarni isirailiyege qoshuwélish heqqidiki bayanatni eyibligenlikini xewer qildi.

liwanda chiqidighan «elmustaqbal géziti», amérika tashqi ishlar ministiri mayk pompéyoning pirézidént trampning, iran pirézidénti ruhani bilen shertsiz körüshüshi mumkinlikini bildürgenlikini xewer qildi.

ispaniyede chiqidighan «lawanguardiya géziti» (La Vanguardia), amérika pirézidénti donald trampning üstide talash-tartish boluwatqan dölet xewpsizlik meslihetchisi jon boltonni wezipisidin qaldurghanliqini xewer qildi.

kolombiyede chiqidighan «él héraldo géziti» (El Heraldo), wénézuélaning «igilik hoquq we tinchliq» dep nam bérilgen maniwér üchün, kolombiye chégrasigha 150 ming esker toplighanliqini xewer qildi.

argéntinada chiqidighan «infobiya géziti», kolombiyening wénézuéla hökümitining chégrada ötküzülidighan maniwérliri üchün jiddiy halet élan qilghanliqini xewer qildi.

gérmaniye awazi radiyosi, gérmaniyening qaytidin seudi erebistan bilen bixeterlik hemkarliqini bashlaydighanliqini؛ bérlinning bu dairide,seudi erebistan chégra qoghdash qisimlirini terbiyeleydighanliqini, biraq öktichiler we ijtimaiy teshkilatlarning bu qarargha qarshi chiqqanliqini xewer qildi.

rusiyede chiqidighan «kommérsant géziti» (Kommersant) ukrainaning rusiye bilen tüzülgen kélishimlerning emeldin qaldurushni toxtatqanliqini xewer qildi.

rusiyening «izwéstiya géziti» (İzvestiya), rusiyening ikki tik uchar toshuyalaydighan paraxot yasashni 2020-yili may éyida yasashni bashlaydighanliqini xewer qildi.

rusiyening «lénta.ru» tori (Lenta.ru), yawropa komitétining yéngi reisi ursula won dér layin (Ursula von der Layen) ning ukraina bilen giruziyening yawropa ittipaqigha téximu téz maslishishini qollaydighanliqini éytqanliqini xewer qildi.

firansiyening «24-frans» (France 24 ) qanili isirailiye bash ministiri nétanyahuning saylamgha ötküzüshke bir hepte qalghanda iyordan deryasining gherbiy qirghiqidiki bezi jaylarni qoshuwélish üchün wede bergenlikini xewer qildi.



مۇناسىۋەتلىك خەۋەرلەر