02.08.2019

қатарда чиқидиған «Al-Raya Al-Katariya» гезити, сәуди әрәбистанниң исраилийәдин тәбиий газ сетивалмақчи икәнликини хәвәр қилди.

сәуди әрәбистанда чиқидиған «AlRıyad» гезити, йеңи чиққан бәлгилимигә бинаән буниңдин кейин айалларниң өзи бивастә паспорт вә нопус қәйт һөҗҗити алалайдиған болғанлиқини хәвәр қилди.

ливанда чиқидиған «AlHayat» гезити, әсәд һөкүмитиниң исраилийәни сүрийәниң җәнубиға башқурулидиған бомба һуҗуми қилиш билән әйиблигәнликини хәвәр қилди. 

русийәдә чиқидиған «İzvestiya» гезити, русийә баш министири димитри медведевниң йапонийә игилик һоқуқи барлиқини илгири сүрүватқан курил араллириниң бирси «итуруп арли» да зийарәттә болуватқанлиқини хәвәр қилди.

русийәниң «RİA Novosti» агентлиқи, доналд трампниң сабиқ русийә җасуси сергей сикрипал вә қизи җулийаниң зәһәрлиниши сәвәбидин русийәгә қарита иккинчи бир ембарго пиланини өз ичигә алған қарарнамиға имза қойғанлиқини хәвәр қилди.

русийәниң «TASS» агентлиқи, доналд трампниң: «америка худдий русийәгә охшаш йадро қоралларни контрол қилиш вә қоралсизлишиш саһәсидә келишим һасил қилишни халайду» дегәнликини хәвәр қилди. 

испанийәдә чиқидиған «El País» гезити, йавропа иттипақиниң хәлқара пул фонди тәкшилатиниң йеңи башлиқини сайлап чиқиш алдида турғанлиқини вә 4 намзаттин бирсиниң испанийә иқтисадий ишлар министири надийа калвено болғанлиқини хәвәр қилди.

испанийәдә чиқидиған «El Mundo» гезити, «бовақларниң сүт чишини сақлап қойуңлар» сәрләвһилик хәвиридә, сүт чишлириниң худдий көк һөҗәйрә каниға охшайдиғанлиқини тәкитлиди. сут чишида тәхминән 100 милйон көк һуҗәйрә барлиқини уқтурди.

«TeleSur» гезити венезуела пирезиденти мадурониң «империйалистларниң һуҗумлириға қарши ачқучлуқ сөз, қаршилиқ көрситиштур» дегәнликини хәвәр қилди.

«France 24» қанили, америкиниң оттура мусапилиқ йадро қораллар келишимидин рәсмий чекинидиғанлиқини хәвәр қилди.

«Le Figaro» гезити, һиндонезийәниң фирансийә пуқраси филикс дорфинниң өлүм җазасини 19 йиллиқ қамақ җазасиға өзгәрткәнликини хәвәр қилди.

«Le Figaro» гезити, доналд трампниң хитайдин импорт қилинған мәһсулатларға қошумчә таможна беҗи йолға қойғанлиқини җакарлиғанлиқини хәвәр қилди.

германийә авази радийоси «бөһмерманниң әрдоған һәққидики шеириға даир сот қарари» сәрләвһилик хәвиридә, германийәлик комедийә артиси жан бөһмерманниң җумһур рәис рәҗәп таййип әрдоғанға қарита һақарәтлик бөлүмлири чәкләнгән шеири һәққидә алий сотқа йоллиған әрзнамисиниң нәтиҗигә еришәлмигәнликини вә бөһмерманниң йавропа алий сотидин башқа барлиқ сот мәһкимилиригә әрз сунуш дәрвазилириниң тақалғанлиқини хәвәр қилди.

«Frankfurter Allgemeine Zeitung» гезити, «америка - хитай сода уруши» сәләвһилик хәвиридә, доналд трампниң 300 милйард долларлиқ хитай мәһсулатлириға йәнә қушумчә таможна беҗи қойуш билән тәһдит салғанлиқини хәвәр қилди.

«Süddeutsche Zeitung» гезити, германийә әдлийә министириниң сот заллирида чүмбәлни чәкләшни халайдиғанлиқини хәвәр қилди.