01.08.2019
bügünki chet el metbuatliridin tallap teyyarlighan qisqiche xewerlirimizning qisqiche mezmunliri töwendikiche:
türkiye awazi radiyosi: engliye paytexti londonda erebche chiqidighan «elquddus elerebi géziti» (Alquds Alarabi), amérika manama yighini muweppeqiyetsiz bolghandin kéyin «yüz yilning kélishimi» ni qaytidin sodiliship, pelestin dölitining ornigha aptonomiye telep qilidighanliqini xewer qildi.
mezkur gézit yene, el qaide teshkilatining rehbiri usame bin ladinning oghli hemze bin ladinning ölgen bolushi mumkinlikini xewer qildi.
seudi erebistanda inglizche chiqidighan «elsherq elewsat géziti» (Alsharq Alawsat), amérikaning iran tashqi ishlar ministirigha émbargo yürgüzidighanliqini élan qildi.
gérmaniye awazi radiyosi, türkiye jumhur reisi rejep tayyip erdoghangha haqaret mezmuni bar xewer oqughan gérmaniyelik komédiye artisi jén bowmérminning cheklengen shéirigha munasiwetlik erzini, gérmaniye sotining ret qilghanliqini élan qildi.
gérmaniyening «bild.dé tori» (Bild.de), gérmaniyening stugart (Stuttgart ) shehiride, milliti qazaq bolghan gérmaniye puqrasi bir kishining, yolning otturisida qilich bilen öltürüwétilgenlikini xewer qildi.
rusiyening «intérfaks agéntliqi», amérika pirézidénti trampning rusiye pirézidénti putingha dala ot apitini öchürüshke yardem qilishni teklip qilghanliqini xewer qildi.
«rusiyening bir xewerler tori, %38 rusiyelikning 2024-yili putinni pirézidént bolushini xalimaydighanliqini xewer qildi.
péruda chiqidighan «él komértiya géziti» (El Comercio), amérika pirézidénti trampning biraziliyeni nato ezasi bolmighan istratégiyelik «herbiy ittipaqdash» dep élan qilghanliqini xewer qildi.
argéntinada chiqidighan «infobiya géziti» (Infobae), wénézuéla pirézidénti nikolas maduro we wénézuéla öktichilirining rehbiri xuen guaydo wekillirining barbadosta qaytidin körüshüshni bashlighanliqini xewer qildi.
firansiyede chiqidighan «lé figaro géziti» (Le Figaro), amérika pirézidénti trampning biraziliyege «eng chong herbiy ittipaqdash» salahiyitini bergenlikini xewer qildi.
firansiyede chiqidighan «lé mondé géziti» (Le Monde ), washingtonning iran tashqi ishlar ministirigha émbargo yürgüzidighanliqini xewer qildi.
