26.07.2019
бүгүнки чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:
түркийә авази радийоси: сәуди әрәбистанда инглизчә нәшр қилинидиған «әшшәрқ әләвсат» гезити, тунисниң «ахирқи қурғучи» әзаси билән видалишиш мусаписидә бирлик – баравәрлик орнитиш тоғрисида чақириқ елан қилғанлиқини йазди.
лондонда әрәбчә нәшр қилинидиған «әлқуддус әләрәби» гезити, америка қошма иштатлири һәрбий қисимлириниң ирақтин һарақ түпәйли чекингәнликини, деңиз армийә қисимлириниң 16 офитсериниң адәм әткәсчилики җинайити билән әйиблинип тутқун қилинғанлиқини хәвәр қилди.
қатарда чиқидиған «әррайә әлқатариййә» гезити, түркийәниң с-400 кә алақидар биринчи қәдәмни тамамлиғанлиқи тоғрисидики учурларни оқурмәнлири билән ортақлашти.
германийәниң «белд.де» хәвәрләр тори, германийәдики уйушмиларниң қаттиқ иссиқ йүзисидин әмгәкчиләрни дәм елишқа қойуп беришни тәләп қилғанлиқини йазди.
йәнә германийәниң «фокус.де» хәвәрләр тори, түркийә мәркизий банкисиниң йеңи башлиқиниң өсүмни төвәнләткәнликини хәвәр қилди.
«фаз.де» хәвәрләр тори болса, германийәдики һәр икки пинсийонерниң бириниң 900 йавродин төвән мааш алидиғанлиқини қәйт қилди.
белгийәдә чиқидиған «ле соир» гезити, белгийәниң хәлқниң йашиниш дәвригә киришигә тәййар әмәсликини йазди.
фирансийәдә чиқидиған «ле фигаро» гезити, фирансузларниң, аптомобил һәйдәветип телефон ишләткүчиләргә қойулидиған җазаниң еғирлаштурулушини қоллайдиғанлиқини йазди.
фирансийәниң «ле монде» гезити, пирезидент әссибсиниң вапатидин кейин тунис вәзийитиниң турақсизлашқанлиқини йазди.
венезуелада чиқидиған «ел насионал» гезити, америка авам палатасиниң венезуелалиқ көчмәнләргә вақитлиқ қоғдиниш салаһийити беришни мәзмун қилған лайиһәни мақуллиғанлиқини хәвәр қилди.
испанийәниң «ел паес» гезити, испанийә баш министири санчезниң иккинчи қетимлиқ беләт ташлаштиму ишәнч авазиға еришәлмигәнликини, қайтидин сөһбәт өткүзүшни башлайдиғанлиқини йазди.
коломбийә «қанал-1» телевизийәси, нотре дам ибадәтханисиниң қайтидин селиниши үчүн елан қилинған мусабиқидә коломбийәдә йашайдиған бир венезуелалиқниң үзүп чиққанлиқини хәвәр қилди.
русийәниң «риа новости» хәвәр агентлиқи, русийәниң тәнһәрикәтчи светлана кузнетсоваға туғдурулған виза қийинчилиқлиридин кейин, америкидин тәнһәрикәтчиләр арисида айримичилиқ қилмаслиқни тәләп қилғанлиқини йазди.
русийәдә чиқидиған «российискайа» гезити, украина хәвпсизлик күчлири тәрипидин тохтитип қойулған русийә нефит парахоти хадимлириниң қойуп берилгәндин кейин русийәгә қайтқанлиқини хәвәр қилди.
русийәниң «лента.ру» хәвәрләр тори, австрийәниң, тутуш буйруқи чиқирилғанлар тизимликидики русийә истихбарат хадими игор зайтсевниң һәрикәт қилиш усулиға даир тәпсилатларни ашкарилиғанлиқини йазди.