19.07.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

19.07.2019

türkiye awazi radiyosi xewiri: liwanda chiqidighan «elhayat» géziti, moskwaning süriyege quruqluq armiye qisimlirini orunlashturghanliqi toghrisidiki xewerlerni ret qilghanliqini yazdi.

seudi erebistanda inglizche neshr qilinidighan «eshsherq elewsat» géziti, amérika qoshma ishtatliri pirézidénti donald trampning nöwette türkiyege émbargo yürgüzüsh niyitimiz yoq, dégenlikini xewer qildi.

qatarda chiqidighan «erraye elqatariyye» géziti, israiliyening seudi erebistanda herbiy baza qurushigha azla qalghanliqini ilgiri sürdi.

gérmaniyening «bild.dé» tori, amérika pirézidénti donald trampning, amérika déngiz armiyesining bir paraxotining iran uchquchisiz hawa apparatini chüshürüwetkenlikini éytqanliqi toghrisidiki uchurlarni oqurmenliri bilen ortaqlashti.

yene gérmaniyening «faz.dé» tori, uchush cheklimisining boyéng shirkitige milyardlarche dollar ziyan yetküzgenlikini؛ amérikining mezkur shirkitining chüshüp ketken 737-maks tipliq ayropilanliri üchün zor miqdarda tölem töleshke teyyarliniwatqanliqini bildürdi.

yene gérmanche tarqitish béridighan «taz.dé» tori, rusiyening türkiyege s-400 sétip bergendin kéyin, urush ayropilani sétip bérishni teklip qilghanliqini xewer qildi.

rusiyening «wésti.ru» xewerler tori, rusiyege qoshumche émbargo yürgüzüshni mezmun qilghan qanun layihesining amérika dölet mejlisining küntertipige kirgüzülgenlikini yazdi.

rusiyening intérfaks xewer agéntliqi, moskwadiki shérémétyéwo ayrodurumida yoluchilarni ayropilandin tarqaqlashturush esnasida 8 ademning yarilanghanliqini xewer qildi.

rusiyening «TASS» xewer agéntliqi, putinning su apitining zerbisige uchrighan irkutiski rayonini közdin kechürgenlikini yazdi.

wénézuélada chiqidighan «Últimas Noticias» géziti, wénézuélaning, iraqning erbil shehiride meydangha kelgen térrorluq hujumini eyibligenlikini xewer qildi.

argéntinaning «infobaé» géziti, méksikaning él chaponing bayliqini telep qiliwatqanliqini؛ pirézidént andrés manuél lopéz obradorning, zeherlik chékimlik guruhi kattibéshining bayliqining méksika xelqige qayturup bérilishini telep qilidighanliqini yazdi.

kolombiyening «RCN Radio» si, bélgiyening kolombiyediki wénézuélaliq köchmenlerge 300 mingdin artuq waksina iane qilghanliqi toghrisidiki uchurlarni oqurmenliri bilen ortaqlashti.

firansiyening «lé mondé» géziti, engliye parlamént ezaliri kélishimsiz halette yawropa ittipaqidin ayrilip chiqishqa qarshi bir layiheni qollash arqiliq boris jonsonni agahlandurghanliqini yazdi.

firansiyede chiqidighan «lé figaro» géziti, amérika qoshma ishtatlirining hurmuz boghuzida iranning bir uchquchisiz hawa apparatini chüshürüwetkenlikini élan qilghanliqini xewer qildi.


خەتكۈچ: türkiye , uyghurche , gézit , metbuat , chet el

مۇناسىۋەتلىك خەۋەرلەر