chet el metbuatlirida bügün: 18.07.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

chet el metbuatlirida bügün: 18.07.2019

türkiye awazi radiyosi: liwanda chiqidighan «‹elhayat› géziti», «iraqning erbil shehiride bir türk diplomat qoralliq hujumgha uchridi» serlewhilik xewirini oqurmenlirining diqqitige sundi.

qatarda chiqidighan «‹errayel qeteriyye› géziti», jumhur reis rejep tayyip erdoghanning, «<400 – s> bashqurulidighan bomba mudapie sistémisini urush üchün emes, milliy bixeterlikimizni qoghdash üchün ishlitmiz» dégen sözlirini neqil keltürdi.

gérmaniyening «‹ Merkur.de› xewerler tori», türk diplomatlar bar réstoranda qoralliq hujum yüz bérip,  3 kishining hayatidin ayrilghanliqini xewer qildi.

gérmaniyening «‹ Deutsche Welle› xewerler tori», «amérika qoshma ishtatliri urush ayropilanlirini türkiyege sétip bermeydu» serlewhilik xewirini oqurmenliri bilen ortaqlashti.

gérmaniyening «‹ Focus.online › xewerler tori», chet ellik köchmenlerning gérmaniyege köchüshige egiship, gérmaniye nopusida 2018 – yili 400 ming éshish körülgenlikini yazdi.

rusiyening «‹ Lenta.ru › xewerler tori», donbas rayonida muddetsiz urush toxtitish kélishimi hasil qilinghanliqini oqurmenliri bilen ortaqlashti.

rusiyening «‹ TASS › agéntliqi » ning xewiride, mundaq déyildi: «rusiyening amérika qoshma ishtatlirida turushluq bash elchisi anonowning qarishiche, amérika rusiyege qarshi wiza urushi qozghighan.»

ispaniyede chiqidighan «‹ El País › géziti», «saqchilargha poérto rikodiki namayishchilarni qolgha élish toghruluq yolyoruq chüshürüldi» serlewhilik xewirini oqurmenliri bilen ortaqlashti.

firansiyede chiqidighan «‹ Le Figaro  › géziti», amérika dölet mejlisining seudi erebistangha qoral - yaragh sétip bérishke tosqunluq qiliwatqanliqini yazdi.

firansiyede chiqidighan «< Libération> géziti», dölet xewpsizlik küchliri üstidin texminen 400 qétimliq tekshürüsh élip bérilghanliqini oqurmenlirining diqqitige sundi.

firansiyening «‹ France 24 › téléwiziye qanili», ébola wirusi tüpeyli «yer shari xaraktérlik jiddiy halet» élan qilinghanliqini xewer qildi.



مۇناسىۋەتلىك خەۋەرلەر