16.07.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

16.07.2019

türkiye awazi radiyosi: liwanda chiqidighan «‹elhayat› géziti», israiliyening ghezze chégrasigha radar orunlashturuwatqanliqini xewer qildi.

seudi erebistanda ingiliz tilida chiqidighan «‹eshsherqul ewset› géziti», firansiye puqrasi bolghan iranliq bir akadémikning téhranda qolgha élinghanliqini oqurmenlirining diqqitige sundi.

qatarda chiqidighan «‹errayel qeteriyye› géziti» de, iraqning barliq döletlerdin bala daéshchilarning qayturulushini telep qiliwatqanliqi eskertildi.

gérmaniyening «‹ Focus.online › xewerler tori»,  gérmaniyening 2019 – yili türkiyege 180 milyon yawroluq qoral - yaragh satqanliqini yazdi.

gérmaniyening «‹ Die Welt › xewerler tori»,   gérmaniye dölet mudapie ministiri ursula won dér léyénning wezipisidin istépa béridighanliqini oqurmenliri bilen ortaqlashti.

rusiyede chiqidighan«‹ Izvestiya› géziti» de mundaq déyildi: «gérmaniye taratquliri rusiyening yawropagha <tuyuqsiz hujum> qilishqa teyyarliniwatqanliqini ilgiri sürdi.»

rusiyening «‹ Lenta.ru › xewerler tori», amérika qoshma ishtatlirining Stratfor tetqiqat ornining, rusiyening «400 - s» bashqurulidighan bomba mudapie sistémisining qoyuq bombardiman aldida ajiz qaldiighanliqini ilgiri sürgenlikini oqurmenlirining diqqitige sundi.

rusiyening «‹ RIA Novosti› xewer agéntliqi» ning xewide mundaq déyildi: « réytéz xewer agéntliqi, amérika qoshma ishtatlirining rusiye we xitaynimu öz ichige alghan eller bilen üch terep yadro kélishimi üchün söhbet ötküzüshni xalaydighanliqini xewer qildi.»

bélgiyede chiqidighan «‹ Le Soir › géziti»,  «shimaliy atlantik ehdi teshkilatining doklatigha asaslanghanda, bélgiyede yadro qoralliri bar iken» serlewhilik xewer élan qildi.

firansiyede chiqidighan «‹ Le Figaro  › géziti», yawropaning amérika – iran kirizisige chare tépishta qiyniliwatqanliqini yazdi.

ékwadorda chiqidighan «‹ El Universo › géziti» de mundaq déyildi: «xuen guaydoning heyiti barbadosta nikolas maduro hökümiti bilen qaytidin diyalog ornitishqa teyyarlanmaqta.»

ispaniyede chiqidighan «<elmundo> géziti» (El Mundo), pédro sanchézning qayta saylam ötküzülüshi we bash ministir süpitide wezipige olturalmasliq mesuliyitini öz aldighila zimmisige élishni xalimaydighanliqini xewer qildi.



مۇناسىۋەتلىك خەۋەرلەر