17.06.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

17.06.2019

türkiye awazi radiyosi: seudi erebistanda inglizche neshr qilinidighan «eshsherq elewsat» géziti, jumhur reis erdoghanning qibris déngiz tewelikide néfit izdesh xizmetlirining dawamlashturulidighanliqini tekitligenlikini yazdi.

qatarda chiqidighan «erraye elqatariyye» géziti,  xelqara jemiyetning bésimlirining, seudi erebistanni 13 yashliq bir balining ölüm jazasini ijra qilishtin waz kechküzgenliki toghrisidiki uchurlarni oqurmenliri bilen ortaqlashti.

kuweytte chiqidighan «elweten» géziti, israiliye bash ministiri nétanyahuning, ishghal astidiki golan töpiliklirige sélinidighan «tramp töpilikliri» ning ul téshini qoyghanliqini xewer qildi.

gérmaniyening «südéutché zéytung» géziti, gérmaniyediki birleshme hökümet shériklirining baj islahati toghrisida kélishkenlikini, ölkilerge özlirining bajgha alaqidar belgilimilirini ijra qilish hoquqining bérilidighanliqini yazdi.

gérmaniye awazi (DW), yildirim – imamoghlu munazirisige munasiwetlik deslepki inkaslarning otturigha chiqishqa bashlighanliqini, istanbul sheherlik hökümetning bashliq namzatliri binali yildirim bilen ekrem imamoghluning neq meydandin tarqitilghan bir pirogrammida bes – munazire élip barghanliqini, tarqitishning ijtimaiy taratqudimu türkiyening küntertipi bolghanliqini xewer qildi.

gérmaniye awazi (DW) yene bir xewiride, gérman siyasetchi lübkéning qatil gumandarining qolgha chüshürülgenlikini yazdi. gézitning xewiride, gérmaniyediki kassél rayoni waliysi waltér lubékni öltürgen bolushi mumkin, dep qariliwatqan gumandarining qolgha chüshkenliki qeyt qilindi. xewerde körsitilishiche, teptish mehkimisi, gumandarni d n a tekshürüshlirige asasen éniqlap chiqqan.

shiwéytsariyede chiqidighan «lé témps» géziti, dunyadiki yadro qorali sanining azayghanliqini yazdi.

firansiyede chiqidighan  «lé parisién» géziti, shiwéytsariyede yüz minglarche ayalning maashning teng – barawer bolushini telep qilip namayish ötküzgenlikini xewer qildi.

bélgiyede chiqidighan «lé soir» géziti, xongkongdiki namayish orunlashturghuchilarning qarishiche, yekshenbe künidiki namayishqa ikki milyongha yéqin ademning qatnashqanliqini yazdi.

ispaniyening «él paés» géziti, ispaniyening, yawropa ittipaqi teripidin bir qanche kün ilgiri liyukséburgda qarar qilinghan köchmenlerning nazaret astigha élinishigha alaqidar belgilimilerni kücheytish pilanigha qarshi chiqidighanliqi toghrisidiki uchurlarni oqurmenliri bilen ortaqlashti.

wénézuélaning «él uniwérsal» géziti, wénézuélada kaméri étilip ketken bir yoluchilar aptobusining azgalgha chüshüp kétip, 18 ademning qaza qilghanliqini yazdi.

argéntinada chiqidighan «infobaé» géziti, xuen guaydoning «wénézuélagha nisbeten birla kélechek bar, u bolsimu özgirishtur. chünki uningdin bashqisi ölümdur» dégenlikini xewer qildi.

rusiyening «lénta.ru» xewerler tori, amérika qoshma ishtatlirining, rusiyening énérgiye sistémilirigha qaratqan tor hujumlirini kücheytkenlikini yazdi.

rusiyening «ria nowosti» xewer agéntliqi, rusiye hawa – alem boshluqi küchlirining deslepki 2 yéngi MiG-35 urush ayropilanini tapshurup alghanliqini xewer qildi.

rusiyening «TASS» xewer agéntliqi, daghistan jumhuriyiti pirézidénti wiladimir wasilyéwning, moskwada öpke yallughi diyagnozi qoyulup balnistqa élinghanliqi toghrisidiki uchurlarni oqurmenliri bilen ortaqlashti.


خەتكۈچ: chet el , metbuat , türkiye , uyghurche , gézit

مۇناسىۋەتلىك خەۋەرلەر