14.06.2019

bügünki chet el metbuatliridin tallap teyyarlighan qisqiche xewerlirimiz töwendikiche:

14.06.2019

seudi erebistanda ingilizche chiqidighan « elsherq elewsat géziti» géziti, amérikaning iranning umman qoltuqida yüz bergen hujumlarning jawabkari ikenlikini bildürgenlikini xewer qildi.

liwanda chiqidighan «el hayat»géziti, qatar hökümitining pars qoltuqi we ottura sherq rayonining bixeterlikining éghir xewp astida ikenlikini  bildürgenlikini yazdi.

merkur.dé (  Merkur.de) tor béti munu uchurlargha orun ajratti: «tramp gérmaniyeni éghir uslublar bilen tenqid qiliwatqan bu künlerde,  aqsaray bayanatchisining wezipisidin istépa bérishi alahide diqqet qozghimaqta.»

fokus géziti, gérmaniyedin qanungha zit halda chégradin qoghlap chiqirilghan usame bin ladénning sabiq muhapizetchisining gérmaniyege qayta kirelmeydighanliqini bildürdi.»

gérmaniye awazi radiyosi munularni xewer qildi: «gérmaniyede ashqun irqchi küchlerning térrorluq tehditi barghanche ashmaqta, gérmaniyede texminen 24ming ashqun irqchi bar, her ikki ashqun irqchidin birsi zorawanliqqa mayil bolup, köp qismi qoral ishlitish tejribisige ige.»

ispaniyede chiqidighan el payis (El País)géziti, amérikaning iranni umman qoltuqidiki ikki néfit paraxotigha hujum qilish bilen eyibligenlikini xewer  qildi.

yene ispaniyede chiqidighan «el mundo» (El Mundo)géziti, engliye hökümitining julyan asénjni amérika qayturup bérishqa munasiwetlik layiheni testiqlighanliqini bildürdi.

kubada chiqidighan «prénsa latina» ( Prensa Latina)géziti, ché guwaraning tughulghanliqining 91-yilliqida hörmet bilen yad étilgenlikini yazdi.

lé mondo (Le Monde ) géziti, shiwétsariyede ayallarning barawersizlikke qarshi naraziliq bildürüsh üchün ishqa tashlashqa chaqirilghanliqini oqurmenliri bilen ortaqlashti.  

firansiyede chiqidighan «lé parisiyén » (Le Parisien )géziti, firansiyede sériq jilitkilikler kirizisi partilghandin buyan, saqchilar ishlitidighan «mudapie top atquchisi - LBD »ni ishlitish nisbitining örlep ketkenlikini xewer qildi.

li figaro (Le Figaro )géziti, süriyediki firansuz balilarning taghisining yawropa ittipaqigha firansiye üstidin erz qilghanliqini yazdi.

kommérsant  (Kommersant)géziti, putin bilen trampning bu yilqi g-20 aliy rehberler yighinida körüshüshni pilanlighanliqini bildürdi.

« Lenta.ru » tor béti, yawropa bilen rusiyening dollardin qutulush , shundaqla rubli we yawro bilen soda qilish toghruluq kéngesh ötküzüshke kélishkenlikini xewer qildi.

rusiyediki riya nowosti (RİA Novosti Ajansı) agéntliqi, qirim köwrükidiki tömür yol liniyesi qurulushining tamamlanghanliqini oqurmenlirining diqqitige teqdim qildi.


خەتكۈچ: türkiye

مۇناسىۋەتلىك خەۋەرلەر