10.06.2019

türkiye awazi radiyosi: «gérmaniye awazi», kölnning türkler topliship olturaqlashqan kéup kochisidiki bezi pochta sanduqlirigha musulmanlargha tehdit sélinghan teshwiqat wereqiliri sélip qoyulghanliqini yazdi.

gérmaniyening N-TV.de taratqusi, xiristiyan démokratlarning éghir künlerni bashtin kechürüwatqanliqini xewer qildi.

yene gérmaniyening wésér – kuriér géziti, gérmaniyelikler arisidiki yalghuzluqning barghanche éghirlishiwatqanliqi toghrisidiki uchurlarni oqurmenliri bilen ortaqlashti.

ispaniyede chiqidighan «la wanguardia» géziti, yuqiri sotining «kataloniye musteqilliqi toghrisidiki omumiy xelq bélet tashlash paaliyiti» sewebidin türmidikilerni tutup turush mudditini sot künigiche dawamlashturushni oylishiwatqanliqini xewer qildi.

méksikida chiqidighan «él uniwérsal » géziti, méksika bilen yawropa ittipaqi arisidiki soda kélishimidin kéyin amérika dollirining 38 qurush qimmitini yoqitip qoyghanliqini yazdi.

ispaniyening «ABC» géziti, rafaél nadalning parizhda choqum chémpiyon bolidighanliqini ilgiri sürdi.

londonda chiqidighan «elquddus elerebi» géziti, pirézidént hadining ijazitini alghandin kéyin, (yemen) bash ministirining ete ereb birleshme xelipilikide ziyarette bolidighanliqini xewer qildi.

«elquddus elerebi» géziti yene, qatar tashqi ishlar ministirining «ottura sherqte pelestinlikler qobul qilidighan herqandaq tinchliq pilanini qollaymiz» dégenliki toghrisidiki uchurlarni oqurmenliri bilen ortaqlashti.

misirning «eléhram» géziti, sudanliq namayishchilarning paaliyetlirini bashqurush hoquqi memuriy hökümetke ötküzüp bérilgüche dawamlashturushni xalaydighanliqini yazdi.

firansiyede chiqidighan  «lé figaro» géziti, amérika qoshma ishtatlirining israiliyede turushluq bash elchisining (israiliyening) qoshuwélish heqqini aqlighanliqini xewer qildi.

bélgiyening «lé soir» géziti, miguél borini sewebidin firansiyediki 15000 etrapida öyde tok toxtash ehwali körülgenlikini bildürdi.

shiwéytsariyede chiqidighan «lé tépms» géziti, engliye tashqi ishlar ministirining yawropa bilen qaytidin muzakire ötküzüshke bolidu, dep oylaydighanliqi toghrisidiki uchurlarni oqurmenliri bilen ortaqlashti.

rusiyening «wédomosti», «kommérsant» we «r b k» qatarliq taratqulirining, zhurnalist iwan golunowning zeherlik chékimlik tijariti bilen shughullanghanliqi ilgiri sürülüp tutqun qilinishi toghrisida ortaq bayanat élan qilip, «iwan golunow délosigha alaqidar delillerni ishenchlik dep qarimaymiz» dégenlikini yazdi.

rusiyede chiqidighan «izwéstiya» géziti, dunya bankisining rusiye iqtisadi duch kélidighan xewplerni élan qilghanliqini xewer qildi.

rusiyening «TASS» xewer agéntliqi, qasim jomart tokayéwning qazaqistan pirézidéntliq saylimida %70.76 awazgha ériship ghelibe qilghanliqini bildürdi.