чәт әл мәтбуатлирида бүгүн: 16.02.2019

бүгүнки чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

чәт әл мәтбуатлирида бүгүн: 16.02.2019

түркийә авази радийоси: германийәниң «‹ DW › хәвәрләр тори», германийә җамаәт хәвпсизлики тәшкилати башқармисиниң, германийәдә  ашқун оңчиллиқниң барғансери әвҗ елип кетиватқанлиқи һәққидә агаһландуруш бәргәнликини хәвәр қилди.

германийәдә чиқидиған «‹ Süddeutsche Zeitung › гезити»,  «авистирийалийәлик ашқун оңчил кишилик һоқуқ паалийәтчиси мартин селнер германийәлик йардәмсөйәрләрниң қизғин алқишиға еришмәктә» сәрләвһилик хәвәр елан қилди.

германийәниң «‹ zdf.de › хәвәрләр тори», германийә қораллиқ қисимлириниң ирақтики әскәрлирини тәрбийәләшни тохтатқанлиқини йазди.

«‹әлқудсул әрәби› гезити», абдулмәһдиниң әнқәрәдә түркийә қисимлириниң ирақтики һәрбий мәвҗудийити һәққидә сөһбәт елип бериватқанлиқини оқурмәнлириниң диққитигә сунди.

сәуди әрәбистанда ингилиз тилида чиқидиған «‹әшшәрқул әвсәт› гезити», иран ташқи ишлар министири муһәммәд җәвад зәрифниң, «вашингтон ембарголарниң даирисини көпәйтиватқан болушиға қаримай, теһран соғуққанлиқ билән һәрикәт қилишни давамлаштуруватиду» дегән сөзлирини нәқил кәлтүрди.

«<әлһайат› гезити»,  сәуди әрәбистанниң нефит муәссәсәлиригә қилинған һуҗумниң җавабкарлиқиниң иран вә һусийлар икәнликини билдүргәнликини оқурмәнлири билән ортақлашти.

испанийәдә чиқидиған «‹ El País › гезити», йавропаниң йеқин кәлгүсидә күчлүк чоң дөләтләрниң сода, дөләт мудапиәси вә енергийә мәсилилиригә  алақидар  пикир ихтилаплириға сәһнә болидиғанлиқини йазди.

венезуелада чиқидиған «‹ TeleSur› гезити», венезуела  пирезиденти николас мадурониң, «венезуеланиң вашингтон баш әлчиханисиға қилинған һуҗумниң җавабкари америка қошма иштатлири пирезиденти доналд трамп» дәп қарайдиғанлиқини оқурмәнлириниң диққитигә сунди.

фирансийәдә чиқидиған «ле монде гезити» (Le Monde), америка қошма иштатлириниң қаттиқ позитсийәсиниң парис қолтуқида вәзийәтни кәскинләштүрүвәткинликини хәвәр қилди.

русийәниң «‹ Russia Today › телевизийә қанили»,  сүргүндә йашаватқан украиналиқ карханичи игор коломойскинң дөлитигә қайтқанлиқини оқурмәнлири билән ортақлашти.

русийәниң «‹ Ura.ru › хәвәрләр тори», йекатеринбургта аптомобил тохтитиш мәйдани орниға черкав селишқа қарши чиққанларниң намайишида 21 намайишчиниң қолға елинғанлиқини хәвәр қилди.

«‹ Izvestiya› гезити», германийә баш министири ангела меркелниң, «йавропа иттипақиниң йеңи тәбиий газ истиратегийәси, <шималий еқим 2> туруба линийәси лайиһәсини тохтиталмайду» дегән сөзлирини нәқил кәлтүрди.



مۇناسىۋەتلىك خەۋەرلەر