chet el metbuatlirida bügün: 09.02.2019

türkiye awazi radiyosi: gérmaniyening «‹ ard.de › xewerler tori», gérmaniyede 2020 – yildin étibaren turalghu yardemlirining östürülidighanliqini xewer qildi.

gérmaniyening «‹ DW › xewerler tori», gérmaniyede talant igilirining gérmaniyege köchüshige qolayliq yaritip bérilidighanliqini oqurmenlirining diqqitige sundi.

gérmaniyening «‹ zdf.de › xewerler tori», amérika qoshma ishtatlirining gérmaniyede turushluq bash elchisining gérmaniyeni shimaliy atlantik ehdi teshkilatigha meblegh ajritish mesiliside ikki yüzlimichilik qilish bilen eyibligenlikini oqurmenliri bilen ortaqlashti.

seudi erebistanda ingiliz tilida chiqidighan «‹eshsherqul ewset› géziti» ning xewiride, mundaq déyildi: «amérika qoshma ishtatliri pirézidénti donald tramp irangha yéngi émbargolarni yürgüzidighanliqini jakarlidi, hemde téximu éghir émbargolarni yürgüzüsh bilen téhrangha tehdit saldi.»

«‹elqudsul erebiy› géziti», riyad mensurning «yüz yilning kélishimi, pelestin xelqining teslim bolushi dégen uqumni bildüridu. buni qobul qilish esla mumkin emes» dégen sözlirini neqil keltürdi.

qatarda chiqidighan «‹errayel qeteriyye› géziti» de, mundaq déyildi: «qatarliqlarning hej we ömrige bérishini cheklesh mesilisi pat yéqinda  UNESCO da muzakirige qoyulidu.»

ispaniyede chiqidighan «‹ El País › géziti», wénézuéla dölet xewpsizlik organliri etretlirining güweydoning pilanini qollishidin kéyin chéqilmasliq hoquqi bikar qilinghan milliy mejlisning bashliqi édgar zambranoni qolgha alghanliqini xewer qildi.

wénézuéla chiqidighan «‹ El Universal › géziti»,  karxanichi karlos slimning, madridtiki santiyago bérnabéu tenterbiye zalining yéngi qurulushini höddige alghanliqini oqurmenlirining diqqitige sundi.

rusiyede chiqidighan «‹ Kommersant › géziti», türkiyening rusiyening polat mehsulatliridin qoshumche baj almasliq toghruluq qarar chiqarghanliqini xewer qildi.

rusiyede chiqidighan «‹ Izvestiya› géziti», wladiwostokta tunji topchilar qismining salam bérishi bilen, rusiyening ikkinchi dunya urushidiki zepirini tebriklesh paaliyetlirining bashlanghanliqini yazdi.

rusiyening «‹ TASS › agéntliqi », izdesh - qutquzush etretlirining «altay téghi» da qar köchkining astida qélip hayatidin ayrilghan 7 kishidin tötinchisining jesitini tapqanliqini oqurmenlirining diqqitige sundi.