08.05.2019

gérmaniyening «ard.de» tor béti, amérika tashqi ishllar ministiri mayk pompéyoning gérmaniye ziyaritini emeldin qalduruwetkenlikini xewer qildi.

gérmaniyede chiqidighan «wélt géziti» (Welt), milyonlarche kishining némischini toghra yazalmaydighanliqini we oquyalmaydighanliqini xewer qildi.

seudi erebistanda chiqidighan «elsherq elewsat géziti» (Alsharq Alawsat), amérika tashqi ishlar ministirining iranning yadro paaliyetlirini heddidin ziyade kéngeytkenlikini éytqanliqini xewer qildi.

qatarda chiqidighan «elraya el qatariyya géziti» (Al-Raya Al-Katariya), mutexessislerning seudi erebistanning yadro paaliyetliridin endishe qiliwatqanliqini bildürgenlikini xewer qildi.

liwanda chiqidighan «elhayat géziti», süriyening gherbiy shimaligha qiliniwatqan hujumlarning kücheygenlikini we puqralarni qoghdash mesiliside xelqaraliq chaqiriqlarning köpeygenlikini xewer qildi.

firansiyede chiqidighan «lé parisiyén géziti» (Le Parisien), xitay hökümitining amérikaning uyghur élidiki «yighiwilish lagérliri» heqqidiki eyibleshlirini yalghangha chiqarghanliqini xewer qildi.

ispaniyede chiqidighan «él mundo géziti» (El Mundo), ispaniye xelq partiyesining asasiy qanun mehkimisige erz sunup, madridtiki sotchilarning del eksiche, kataloniyening sabiq pirézidénti puigdémont we hoquqi cheklengen parlamént ezalirining yawropa parlaméntining saylamlirigha qatnishish hoquqining bolushini telep qilidighanliqini xewer qildi.

argéntinada chiqidighan «él klarin géziti» (El Clarin), amérika pirézidénti trampning wénézuéla hakimiyitidiki ikkinchi nomurluq shexs diyosdado kabéllo bilen mexpiy körüshkenlikini we hetta 2015-yili shirkitige dominikta yer sétilghanliqi ilgiri sürülgen bir xewerni élan qildi.

rusiyening «tas agéntliqi» (TASS), altay téghida qar köchüsh sewebidin yette sayahetchining jénidin ayrilghanliqini xewer qildi.

rusiye «riya nowosti agéntliqi» (RİA Novosti), rusiyede ishlepchiqiriliwatqan beshtin bir süt mehsulatlirining ölchemge toshmaydighanliqini xewer qildi.

rusiyede chiqidighan «izwéstiya géziti» (İzvestiya’), kiyéwde rusiye chégrasigha ména kömüsh teklipining otturigha qoyulghanliqini xewer qildi.