06.05.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

06.05.2019

türkiye awazi radiyosi: seudi erebistanda inglizche neshr qilinidighan «eshsherq elewsat» géziti, israiliyening üch buyan ghezzede dawamlashturuwatqan hujumlirida shéhit bolghanlar sanining 28 ge yetkenlikini yazdi.

ereb birleshme xelipilikide chiqidighan «elémarat elyewm» géziti, dubey ayrodurumining 2019 – yilining deslepki charikide 22 milyon 200 ming yoluchini kütüwalghanliqini xewer qildi.

qatarda chiqidighan «erraye elqatariyye» géziti, qatarning, israiliyening ghezze hujumlirini eyibligenlikini, b d t  we b d t  xewpsizlik kéngishidin pelestinliklerni himaye qilishni telep qilghanliqini yazdi.

rusiyening «ria nowosti» xewer agéntliqi, jiddiy ehwal bayqilip shérémétyéwo ayrodurumigha qoyghan ayropilanning matorigha ot kétip, 41 ademning jénidin ayrilghanliqini xewer qildi.

yene rusiyening «rossiyiskaya géziti», sérgéy lawrowning «rusiye, amérika qoshma ishtatlirining maduroni mejburiy aghdurup tashlash pilanidin waz kéchishini xalaydu» dégenlikini oqurmenliri bilen ortaqlashti.

firansiyede chiqidighan  «lé parisién» géziti, firansiyede yéqilghu bahalirining yuqiri péti qélishni dawamlashturidighandek körünüwatqanliqini yazdi.

firansiyede chiqidighan «lé figaro» géziti, butefliqening oghul bir tughqinining herbiy sotchi teripidin tutqun qilinghanliqini xewer qildi.

firansiyening «lé mondé» géziti, (daésh lidiri) baghdadining firansiyege doél élan qilghanliqini yazdi.

gérmaniyediki «shpiygél onlayn» xewer tori, amérika bash elchisining gérmaniyening mudapie xamchotini ashurushi kérekliki toghrisida ching turuwatqanliqi toghrisidiki uchurlarni oqurmenliri bilen ortaqlashti.

shiwéytsariyede chiqidighan «blik.ch» taratqusi, gérmaniyening qizil késelliki waksinisigha qarshi chiqquchilargha iqtisadiy jaza yürgüzüshni xalaydighanliqini xewer qildi.

rusiyede chiqidighan «izwéstiya» géziti, rusiye xelqining yérimigha yéqini (%48) ning intérnétsiz hayatni tesewwur qilalmaydighanliqini yazdi.

ispaniyede chiqidighan «la wanguardia» géziti, (ispaniye bash ministiri) sanchézning, teyinlinishini mumkinchilikke ige qilish üchün, kasado (xelq partiyesi bashliqi) bilen körüshüshni bügün bashlaydighanliqini xewer qildi.

ispaniyening «él paés» géziti, rusiyening amérika qoshma ishtatliridin madurogha qarshi yürgüzüwatqan misli körülmigen «dolqunigha» xatime bérishini telep qilghanliqini oqurmenlirining diqqitige sundi.

panamaning «la éstrélla» géziti, panama pirézidéntliq saylimida ghelibe qilghan kortizoning «bu pütün bir döletning ghelibisi» dégenlikini yazdi.


خەتكۈچ: türkiye , chet el , metbuat , uyghurche

مۇناسىۋەتلىك خەۋەرلەر