03.05.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

03.05.2019

« ard.de »tor béti, gérmaniye bash minsitiri angéla mérkélning malida wezipe ötewatqan gérmaniye eskerlirige minnetdarliqini bildürgenlikini xewer qildi.

yene gérmaniye awazi radyosi, gérmaniyede chérkawlargha eza bolidighanlarning sanining 2060-yiligha kelgende yérimge chüshüp qalidighanliqini bildürdi.

wélt géziti, angéla mérkélning orbangha jawap qayturup milletchi partiye bilen hemkarliq ornitishni ret qilghanliqini oqurmenliri bilen ortaqlashti.

seudi erebistanda inglizche neshr qilinidighan «eshsherq elewsat» géziti, washingitonning üch ayda bir milyard dollarliq rakétamiyot kélishimi imzalighanliqini yazdi.

qatarda chiqidighan «erraye elqatariyye» géziti, ereb birleshme xelipiliki bilen misirning liwiye mesilisige arilishishining liwiyediki toqunushlarni téximu keskinleshtürgenlikini oqurmenlirining diqqitige teqdim qildi.

liwiyede chiqidighan el-hayat géziti, seudi chégra muhapizet eskerlirining jidde portigha yéqin jayda irangha tewe bir néfit kémisini qutquzuwalghanliqini bildürdi.

«rusiye bügün»namliq téléwiziye qanili, rusiyening 2019-yili altun sétiwélishta birinchi bolghanliqini xewer qildi.

rusiyediki «tas»agéntliqi, ukrainaliq sodiger kolomoyskining, donbastiki kirizisni ichki urush dep teripigenlikini oqurmenlirining diqqitige teqdim qildi.

rusiyediki «riya nowostiki»géziti, süriyede térrorchilarning rus herbiy bazisigha hujum qilghanliqini yazdi.

sipaniyede chiqidighan «el mundo» (El Mundo)géziti, bash ministir sanchéz dewride texminen 30 milyard yawro qizil reqem körülidighanliqining texmin qiliniwatqanliqini bildürdi.

wénézuélada chiqidighan «télésur» (Telesur)géziti, pirézidént nikolas maduroning munu sözlirige orun ajratti: «impériyalizm ishghaliyetning koyida, biz bolsaq tinchliqning koyida yürüwatimiz.»

firansiyediki « France 24 » qanili, «nikolas maduro herbiy-siyasiy özgirish qozghighuchilargha qarshi heriketke ötti»serlewhisi astida xewer élan qildi.

yene firansiyediki « France 24 » qanili, hindistanda meydangha kelgen pani qoyuni netijiside bir milyondin artuq ademning tarqaqlashturulghanliqini bildürdi.


خەتكۈچ: France 24

مۇناسىۋەتلىك خەۋەرلەر