03.05.2019

бүгүнки чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

03.05.2019

« ard.de »тор бети, германийә баш минситири ангела меркелниң малида вәзипә өтәватқан германийә әскәрлиригә миннәтдарлиқини билдүргәнликини хәвәр қилди.

йәнә германийә авази радйоси, германийәдә черкавларға әза болидиғанларниң саниниң 2060-йилиға кәлгәндә йеримгә чүшүп қалидиғанлиқини билдүрди.

велт гезити, ангела меркелниң орбанға җавап қайтуруп милләтчи партийә билән һәмкарлиқ орнитишни рәт қилғанлиқини оқурмәнлири билән ортақлашти.

сәуди әрәбистанда инглизчә нәшр қилинидиған «әшшәрқ әләвсат» гезити, вашингитонниң үч айда бир милйард долларлиқ ракетамийот келишими имзалиғанлиқини йазди.

қатарда чиқидиған «әррайә әлқатариййә» гезити, әрәб бирләшмә хәлипилики билән мисирниң ливийә мәсилисигә арилишишиниң ливийәдики тоқунушларни техиму кәскинләштүргәнликини оқурмәнлириниң диққитигә тәқдим қилди.

ливийәдә чиқидиған әл-һайат гезити, сәуди чегра муһапизәт әскәрлириниң җиддә портиға йеқин җайда иранға тәвә бир нефит кемисини қутқузувалғанлиқини билдүрди.

«русийә бүгүн»намлиқ телевизийә қанили, русийәниң 2019-йили алтун сетивелишта биринчи болғанлиқини хәвәр қилди.

русийәдики «тас»агентлиқи, украиналиқ содигәр коломойскиниң, донбастики киризисни ички уруш дәп тәрипигәнликини оқурмәнлириниң диққитигә тәқдим қилди.

русийәдики «рийа новостики»гезити, сүрийәдә террорчиларниң рус һәрбий базисиға һуҗум қилғанлиқини йазди.

сипанийәдә чиқидиған «әл мундо» (El Mundo)гезити, баш министир санчез дәвридә тәхминән 30 милйард йавро қизил рәқәм көрүлидиғанлиқиниң тәхмин қилиниватқанлиқини билдүрди.

венезуелада чиқидиған «телесур» (Telesur)гезити, пирезидент николас мадурониң муну сөзлиригә орун аҗратти: «империйализм ишғалийәтниң койида, биз болсақ тинчлиқниң койида йүрүватимиз.»

фирансийәдики « France 24 » қанили, «николас мадуро һәрбий-сийасий өзгириш қозғиғучиларға қарши һәрикәткә өтти»сәрләвһиси астида хәвәр елан қилди.

йәнә фирансийәдики « France 24 » қанили, һиндистанда мәйданға кәлгән пани қойуни нәтиҗисидә бир милйондин артуқ адәмниң тарқақлаштурулғанлиқини билдүрди.


خەتكۈچ: France 24

مۇناسىۋەتلىك خەۋەرلەر