02.05.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

02.05.2019

türkiye awazi radiyosi: gérmaniyening «‹ ard.de › xewerler tori», gérmaniye bash ministiri angéla mérkélning gherbiy afriqa ziyaritining bashlanghanliqini oqurmenlirining diqqitige sundi.

gérmaniyening «‹ zdf.de › xewerler tori»,  gérmaniye tashqi ishlar ministiri héyko masning kolombiyege maliye jehettin yardem qilish toghruluq wede bergenlikini yazdi.

gérmaniyening «‹ spiegel.online. de› xewerler tori»,   gérmaniye uyushmilar birlikining bashliqi réynér hofmanning «angéla mérkél firansiye pirézidénti émmanuél makrongha xuddi bir oghul oqughuchisidekla muamile qildi» dégen sözlirini neqil keltürdi.

seudi erebistanda ingiliz tilida chiqidighan «‹eshsherqul ewset› géziti» ning xewiride, seudi erebistanning ezerbeyjangha tutuwatqan pozitsiyeside héchqandaq özgirish yoqluqi eskertildi.

qatarda chiqidighan «‹errayel qeteriyye› géziti»,  seudi erebistanning yemenlik birqanche ministirgha sahibxaniliq qiliwatqanliqini oqurmenliri bilen ortaqlashti.

liwanda chiqidighan «‹elhayat› géziti», qatarning irangha yürgüzülüwatqan émbargolargha qarshi ikenlikini oqurmenlirining diqqitige sundi.

ispaniyede chiqidighan «‹ El País › géziti», wénézuélada öktichi rehber léopoldo lopézning ispaniyening karakasta turushluq bash elchixanisidin siyasiy panahliq tiligenlikini yazdi.

wénézuélada chiqidighan «‹ El Universal › géziti»,  wénézuéla  pirézidénti nikolas maduroning, «herbiy – siyasiy özgirish qozghashqa urunghuchilarning hemmisi pat yéqinda türmige tashlinidu» dégen sözlirini neqil keltürdi.

wénézuélada chiqidighan «‹ El Nacional › géziti», de mundaq déyildi: «amérika qoshma ishtatliri pirézidénti donald trampning dölet xewpsizlik ishliri meslihetchisi jon bolton, wénézuéla  pirézidénti nikolas maduroning kubaliqlar teripidin  bir panah jaygha yoshurup qoyulghanliqini ilgiri sürdi.»

rusiyening «‹ Lenta.ru › xewerler tori», rusiye pirézidénti wiladimir putinning sirtqi tehditlerge berdashliq béreleydighan tor betlirining asaslirini turghuzush nishan qilinghan intérnét qanunini maqullighanliqini xewer qildi.

rusiyening «‹ RIA Novosti› xewer agéntliqi», amérika qoshma ishtatliri dölet mudapie ministirliqining yéngi yadro qoralliri ishlepchiqirish pilanining rusiyege qarshi tedbir ikenlikini oqurmenliri bilen ortaqlashti.

 «‹ TASS › xewer agéntliqi» ning xewiride, aqsarayning rusiyening wénézuélaning weziyitige mudaxile qilishini  tolimu endishilik ehwal dep qaraydighanliqi qeyt qilindi.

«‹ Courrier International › xewerler tori», «2019 – yilliq yawropa ittipaqi saylamlirida bulghariyediki axbarat wasitiliri erkinlikige qarita otturigha chiqqan ehwallar némishqa bunchilik qorqunuchluq derijide bérip yetti?» serlewhilik xewirini oqurmenlirining diqqitige sundi.

firansiyede chiqidighan «‹ Le Parisien › géziti»,  1 – may küni ottuzgha yéqin namayishchining «< Pitié-Salpêtrière > türmisi» ni ishghal qilghanliqini yazdi.

firansiyede chiqidighan «< Libération> géziti», engliye diplomatiye wezirining bixeterlik saheside uchur sizdurush bilen eyiblinip wezipisidin qaldurulghanliqini oqurmenliri bilen ortaqlashti.



مۇناسىۋەتلىك خەۋەرلەر