02.05.2019

бүгүнки чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

02.05.2019

түркийә авази радийоси: германийәниң «‹ ard.de › хәвәрләр тори», германийә баш министири ангела меркелниң ғәрбий африқа зийаритиниң башланғанлиқини оқурмәнлириниң диққитигә сунди.

германийәниң «‹ zdf.de › хәвәрләр тори»,  германийә ташқи ишлар министири һейко масниң коломбийәгә малийә җәһәттин йардәм қилиш тоғрулуқ вәдә бәргәнликини йазди.

германийәниң «‹ spiegel.online. de› хәвәрләр тори»,   германийә уйушмилар бирликиниң башлиқи рейнер һофманниң «ангела меркел фирансийә пирезиденти еммануел макронға худди бир оғул оқуғучисидәкла муамилә қилди» дегән сөзлирини нәқил кәлтүрди.

сәуди әрәбистанда ингилиз тилида чиқидиған «‹әшшәрқул әвсәт› гезити» ниң хәвиридә, сәуди әрәбистанниң әзәрбәйҗанға тутуватқан позитсийәсидә һечқандақ өзгириш йоқлуқи әскәртилди.

қатарда чиқидиған «‹әррайәл қәтәриййә› гезити»,  сәуди әрәбистанниң йәмәнлик бирқанчә министирға саһибханилиқ қиливатқанлиқини оқурмәнлири билән ортақлашти.

ливанда чиқидиған «‹әлһайат› гезити», қатарниң иранға йүргүзүлүватқан ембарголарға қарши икәнликини оқурмәнлириниң диққитигә сунди.

испанийәдә чиқидиған «‹ El País › гезити», венезуелада өктичи рәһбәр леополдо лопезниң испанийәниң каракаста турушлуқ баш әлчиханисидин сийасий панаһлиқ тилигәнликини йазди.

венезуелада чиқидиған «‹ El Universal › гезити»,  венезуела  пирезиденти николас мадурониң, «һәрбий – сийасий өзгириш қозғашқа урунғучиларниң һәммиси пат йеқинда түрмигә ташлиниду» дегән сөзлирини нәқил кәлтүрди.

венезуелада чиқидиған «‹ El Nacional › гезити», дә мундақ дейилди: «америка қошма иштатлири пирезиденти доналд трампниң дөләт хәвпсизлик ишлири мәслиһәтчиси җон болтон, венезуела  пирезиденти николас мадурониң кубалиқлар тәрипидин  бир панаһ җайға йошуруп қойулғанлиқини илгири сүрди.»

русийәниң «‹ Lenta.ru › хәвәрләр тори», русийә пирезиденти виладимир путинниң сиртқи тәһдитләргә бәрдашлиқ берәләйдиған тор бәтлириниң асаслирини турғузуш нишан қилинған интернет қанунини мақуллиғанлиқини хәвәр қилди.

русийәниң «‹ RIA Novosti› хәвәр агентлиқи», америка қошма иштатлири дөләт мудапиә министирлиқиниң йеңи йадро қораллири ишләпчиқириш пиланиниң русийәгә қарши тәдбир икәнликини оқурмәнлири билән ортақлашти.

 «‹ TASS › хәвәр агентлиқи» ниң хәвиридә, ақсарайниң русийәниң венезуеланиң вәзийитигә мудахилә қилишини  толиму әндишилик әһвал дәп қарайдиғанлиқи қәйт қилинди.

«‹ Courrier International › хәвәрләр тори», «2019 – йиллиқ йавропа иттипақи сайламлирида булғарийәдики ахбарат васитилири әркинликигә қарита оттуриға чиққан әһваллар немишқа бунчилик қорқунучлуқ дәриҗидә берип йәтти?» сәрләвһилик хәвирини оқурмәнлириниң диққитигә сунди.

фирансийәдә чиқидиған «‹ Le Parisien › гезити»,  1 – май күни оттузға йеқин намайишчиниң «< Pitié-Salpêtrière > түрмиси» ни ишғал қилғанлиқини йазди.

фирансийәдә чиқидиған «< Libération> гезити», әнглийә дипломатийә вәзириниң бихәтәрлик саһәсидә учур сиздуруш билән әйиблинип вәзиписидин қалдурулғанлиқини оқурмәнлири билән ортақлашти.



مۇناسىۋەتلىك خەۋەرلەر