29.04.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

29.04.2019

türkiye awazi radiyosi: seudi erebistanda inglizche neshr qilinidighan «eshsherq elewsat» géziti, seudi erebistan text warisi shahzadisi muhemmed bin selmanning yaponiye tashqi ishlar ministiri bilen shérikchilik ornitish toghrisida sözleshkenlikini xewer qildi.

qatarda chiqidighan «erraye elqatariyye» géziti, amérika qoshma ishtatliri pirézidénti donald trampning seudi erebistangha «siler bay... pul béringlar, biz silerni muhapizet qilayli» dégenlikini yazdi.

liwanda chiqidighan «elhayat» géziti, iranning hurmuz boghuzini taqiwétish we yadro kélishimidin chékinishke isharet qilghanliqi toghrisidiki uchurlarni oqurmenliri bilen ortaqlashti.

gérmaniyening «ard.de» tori, gérmaniye tashqi ishlar ministirliqining siri lankagha baridighan puqralarni agahlandurghanliqini xewer qildi.

gérmaniyening «zdf.de» tori bolsa, gérmaniyediki 3 milyon 380 ming etrapidiki xizmetchining ayda 2000 yawrodin az maash alidighanliqi toghrisidiki uchurlarni oqurmenliri bilen ortaqlashti.

yene gérmaniyening «deutschlandfunk.de» tori, yipek yoli üstqurulma layihelirini chöridigen halda 64 milyard dollarliq kélishim imzalanghanliqini yazdi.

ispaniyening «El Paıs» géziti, omumiy saylamda ghelibe qilghan sotsiyalist partiyening birleshme qurushqa mejbur ikenlikini, xelqchi partiyening bolsa, tarixiy meghlubiyetke uchrighanliqini xewer qildi.

ispaniye chiqidighan «ABC» géziti, méksikida zorawanliqning pirézidént lopéz obrador yolgha qoyghan tedbirlerning yétersizliki tüpeyli rékort yaratqanliqini yazdi.

méksikida chiqidighan «» géziti, zakatékasta aptobus örülüp kétip 11 ademning jénidin ayrilghanliqini xewer qildi.

firansiyening «Le Monde» géziti, dunyadiki qoral chiqimlirining 2000 milyard dollargha yéqinlashqanliqini bildürdi.

firansiyede chiqidighan «Le Figaro» géziti, (firansiyede) 13 kichik balining zeherlinishidin kéyin érimchiklerning sétilishining toxtitilghanliqini yazdi.

yene firansiyede chiqidighan  «Le Parisien » géziti, ming etrapida mutexessisning, makronni notré-dam chong chérkawining eslige keltürülüshi üchün jiddiy heriketke ötüsh toghrisida agahlandurghanliqini xewer qildi.


خەتكۈچ: chet el , gézit , radiyo , uyghurche , metbuat

مۇناسىۋەتلىك خەۋەرلەر