26.04.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

26.04.2019

türkiye awazi radiyosi: seudi erebistanda inglizche neshr qilinidighan «eshsherq elewsat» géziti, irandiki su apitining buningdin 37 yil ilgiri yoqap ketken bir iraqliq eskerning jesitini dölitige qayturup bergenlikini xewer qildi.

qatarda chiqidighan «erraye elqatariyye» géziti, seudi erebistandiki ölüm jazalirining amérika qoshma ishtatliridiki démokratik qanatni ghezeplendürgenlikini yazdi.

misirning «elehram» géziti, misir pirézidénti abdulfettah sisining jiddiy haletning mudditini yene 3 ay uzartishni qarar qilghanliqi toghrisidiki uchurlarni oqurmenliri bilen ortaqlashti.

gérmaniyening «Westdeutsche Allgemeine Zeitung» géziti, yipek yoli bashliqlar yighinining 100 din artuq döletning dölet we hökümet bashliqliri we wekillirining ishtirak qilishi bilen bügün béyjingda bashlinidighanliqini xewer qildi.

gérmaniyede chiqidighan «Süddeutsche Zeitung» géziti, amérika qoshma ishtatlirining sabiq muawin pirézidénti jo baydinning 2020 – yilidiki pirézidéntliq saylimida démokratik qanattin pirézidént namzati bolidighanliqini resmiy jakarlighanliqini yazdi.

gérmaniye awazi (DW) bolsa, «(gérmanlarning) chet ellik jüptilirining üchtin biri némis tili imtihanidin ötelmeydu» serlewhilik xewiride, öylinish usuli arqiliq gérmaniyege kélish meqsitide némis tili imtihanigha kirgen chet ellik er – yaki ayallarning üchtin birining imtihandin ötelmigenliki toghrisidiki uchurlarni oqurmenliri bilen ortaqlashti.

firansiyening «lé mondé» géziti, firansiyede dölet bixeterlik tarmaqlirining 2018 – yili 22,300 din ademni közetkenlikini xewer qildi.

firansiyede chiqidighan «lé figaro» géziti, (firansiye pirézidénti) makronning 2022 – yilidiki pirézidéntliq saylimigha köngülshimeydighanliqini éytqanliqini yazdi.

firansiyede chiqidighan  «lé parisién» géziti, (firansiye pirézidénti) makronning 120 ming kishini emgekke orunlashturushni qisqartish pilanidin «waz kéchishke» teyyar ikenliki toghrisidiki uchurlarni oqurmenliri bilen ortaqlashti.

ispaniyening «él pais» géziti, ispaniye bash ministiri pédro sanchézning 28 – apréldiki omumiy saylamdin ilgiri bayanat bérip, «ispaniyede merkiziy ongchilarning ashqun ongchilar bilen birlishishini chöridigen éghir bir xewp bar» dégenlikini yazdi.

yene ispaniyede neshr qilinidighan «él mundo» gézitide élan qilinghan bir maqalide, sanchéz bash ministir bolghandin buyan pinsiyonér maashliri üchün döletning xezinisidin chiqqan chiqimlarning 600 milyon yawro éship ketkenliki toghrisidiki uchurlargha orun bérildi.

wénézuélada chiqidighan «télésur» géziti, wénézuéla tashqi ishlar ministiri jorj arrézaning amérika hökümitining dölitige yürgüzgen qanunsiz émbargosi keltürüp chiqarghan aqiwetlerni bayan qilip, bu émbargolar minglarche wénézuélaliqning jénigha zamin boldi, dégenlikini yazdi.

rusiyening «intérfaks.ru» isimlik xewerler tori, (ukrainaning yéngi pirézidénti) zéléniskining qisqa mezgil tetil ötküzüsh üchün türkiyege ketkenlikini xewer qildi.

yene rusiyening «vzglyad.ru» géziti, «rus néfiti bulghiniptu: yawropagha xam néfit élip kétiwatqan «drujba» liniyeside kirizis chiqip, turubba itiwétildi» serlewhisi astida xewer élan qildi.

rusiyening «turkrus.com» xewerler tori, putinning «dunyaning aldinqi qatardiki 5 iqtisadiy küchning qatarigha kirish nahayiti eqilge muwapiq bir nishan» dégenlikini yazdi.


خەتكۈچ: türkiye , chet el , metbuat , gézit , uyghurche

مۇناسىۋەتلىك خەۋەرلەر