28.02.2019

türkiye awazi radiyosi: seudi erebistanda ingiliz tilida chiqidighan «‹eshsherqul ewset› géziti», misirning paytexti qahirediki poyiz istansisida yüz bergen ot apitide, 20 kishining hayatidin ayrilghanliqini, 20 kishining yarilanghanliqini xewer qildi.

qatarda chiqidighan «‹erreyul qeteriyye› géziti», seudi erebistan tashqi ishlar  wezirining muxbirlarning zhurnalist jamal qashiqchi jinayitini tekshürüsh mesilisige alaqidar soalliridin özini qachurghanliqini oqurmenlirining diqqitige sundi.

liwanda chiqidighan «‹elhayat› géziti», israiliye bash ministiri bényamin nétanyahuning iranni dawamliq tenqid qiliwatqanliqini xewer qildi.

gérmaniyening «‹ Welt› xewerler tori», 2019 – yili gérmaniyelik sayahetchilerning türkiyege bolghan qiziqisining birdinla yuqiri dolqungha kötürülgenlikini oqurmenliri bilen ortaqlashti.

gérmaniyening «‹ Merkur.de › xewerler tori», amérika qoshma ishtatliri pirézidénti donald trampning küyoghli kushnérning ottura sherq tinchliq pilani toghruluq söhbet élip bérish üchün jumhur reis rejep tayyip erdoghan bilen körüshkenlikini xewer qildi.

gérmaniyening «‹ DW › xewerler tori» ning,  «yemendiki ichki urushta gérmaniyede ishlengen qoral – yaraghlarning ishlitilgenliki otturigha chiqti» serlewhilik xewirining mezmuni mundaq: «gérmaniye awazi radiyosi» ning yemendiki ichki urushta gérmaniyede ishlengen qoral – yaraghlarning ishlitilgenlikini tekshürüshi siyasiy talash – tartishlargha seweb bolmaqta.  

ispaniyede chiqidighan «‹ El País › géziti», nikaragua  rehbiri daniél ortéganing öktichiler bilen élip barghan muzakirilerning birinchi künide yüzge yéqin tutqunni qoyup bergenlikini xewer qildi.

chilida chiqidighan «‹ la térkéra › géziti», chili pirézidénti pinéraning, xuen gueydo bilen munasiwetlirini qoyuqlashturuwatqanliqini, bu dairide  uni chilida ötküzülidighan prosur yighinigha teklip qilghanliqini oqurmenlirining diqqitige sundi.

wénézuélada chiqidighan «‹ Ultimas Noticias › géziti» ning xewiride, wénézuéla  pirézidénti nikolas maduroning munu sözliri neqil keltürüldi: wénézuéla xelqining % 92 ti amérika qoshma ishtatlirining herbiy mudaxile tehditlirige duch kéliwatidu.

rusiyening «‹ TASS › agéntliqi », rusiyening wénézuéla mesilisige alaqidar qarar layihesini birleshken döletler teshkilati xewpsizlik kéngishige sunghanliqini xewer qildi.

rusiyening «‹ Ria Novosti › agéntliqi » ning xewiride, rusiye bilen israiliyening, chet el küchlirining süriyedin chékinishi üchün xizmet guruppisi teshkil qilidighanliqi eskertildi.

rusiyede chiqidighan «‹ Izvestiya› géziti», rusiyening 2020 – yillarning axirliri yadro éléktir istansisiliq ikki urush paraxoti yasashni pilanlawatqanliqini  oqurmenlirining diqqitige sundi.

firansiyede chiqidighan «< Le Parisien > géziti», yawropa ittipaqining tashqi herbiy mudaxililerge taqabil turushqa küchi yetmeydighan ehwalgha chüshüp qalghanliqini oqurmenliri bilen ortaqlashti.

firansiyede chiqidighan «<lé mondé> géziti» (Le Monde) de, er – ayallarning hoquqta barawerlik ishlirida közge körünerlik muweppeqiyetlerning qolgha keltürülüwatqanliqi, emma buning hemme yerde küchke ige emesliki qeyt qilindi.

firansiyede chiqidighan «lé figaro géziti» (Le Figaro), firansiye pirézidénti émmanuél makronning, «firansiye bilen gérmaniye barghanséri yéqinlishiwatidu» dégen sözlirini neqil keltürdi.