03.01.2019

türkiye awazi radiyosi: « El País » ning xewiride munu nuqtilar eskertildi:

ispaniye chérkawi diktator frankoning söngeklirining 1975 – yildin béri yétiwatqan xatire mazardin chiqirilishigha ruxset qilmidi.

«‹ El Mundo › géziti»,  ispaniye sotsiyalist ishchi partiyesi saylighuchilirining yérimi kataloniyede asasiy qanunning 155 – maddisining ijra qilinishini telep qiliwatqanliqini xewer qildi.

«‹ El Mercurio › géziti», biraziliye pirézidénti jair bolsonaroning, amérika qoshma ishtatliri we hakimmutleq hökümetlerge qarshi birlikte  küresh qilish toghruluq wede bergenlikini oqurmenliri bilen ortaqlashti.

«‹ Elhayat › géziti» de, washingtonning amérika qoshma ishtatlirining süriyedin qoshun chékindürüshining israiliyege bériwatqan yardimige tesir körsetmeydighanliqini bildürgenliki qeyt qilindi.

«‹ Elriyadh › géziti» de, amérika qoshma ishtatliri pirézidénti donald trampning yawropaning özi heqqide néme déyishidin perwayi pelek ikenlikini éytqanliqi xewer qilindi.

«‹ Alkuds Alarabi › géziti», amérika qoshma ishtatliri dölet xewpsizlik kéngishi heyitining türkiyede fethullah gülenning qayturup bérilish mesilisi heqqide muzakire élip baridighanliqini oqurmenliri bilen ortaqlashti.

«‹ Le Figaro  › géziti» de, «amérika qoshma ishtatliri teripidin terk étilgen yawropa yéngi yilni türlük ixtilaplar we kélishmeslikler bilen kütüwaldi» serlewhilik xewer élan qilindi.

« EURONEWS» ning xewiride, jamal qashiqchi suyiqestige alaqidar yéngi widéolarda, qashiqchining jesitining somkilar arqiliq seudi erebistan bash konsulxanisi qorusigha élip kétilgenlikining körülgenliki tekitlendi.

gérmaniyede chiqidighan«‹ DEUTSCHE WIRTSCHAFTSNACHRICHTEN › géziti», jumhur reis rejep tayyip erdoghanning tebiiy gazning bahasini chüshürüp, ishchilarning maashini östürgenlikini oqurmenliri bilen ortaqlashti.

tas xewer agéntliqi, amérika qoshma ishtatliri pirézidénti donald trampning sabiq sowét ittipaqining yimirilishining afghanistandiki sowét qisimliri bilen munasiwetlik ikenlikini ilgiri sürgenlikini xewer qildi.

«‹ İzvestiya › géziti»,  amérikiliq mutexessislarning eng xeterlik eqilliq téléfonlarning tizimlikini élan qilghanliqini oqurmenlirining diqqitige sundi.

«‹ RİA Novosti › géziti» ning xewiride mundaq déyildi: rusiye iqtisadiy teptish orginining bashliqi alékséy kudrin, rusiyening 2018 – yilliq iqtisadiy tereqqiyat nisbitining % 0.4 bolghanliqini, 2018 – yili öktebirde iqtisadiy tereqqiyat mölchirining % 3.4 ikenlikini bildürdi.