chet el metbuatlirida bu hepte: 01.11.2017

amérika awazi «türk lobisi chet elde téximu küchlük halgha kélidu»serlewhilik xewiride munu uchurlarni oqurmenliri bilen ortaqlashti: «türkiye büyük millet mejlisi insan heqliri komitéti bashliqi mustafa yeneroghlu chet elde 6 milyon türk yashawatqanliqini,  shunga hökümetning chet eldiki türk lobisini kücheytish üchün keng dairlik xizmet bashlighanliqini éytti. yeneroghlu chet eldiki türkler duch kéliwatqan mesililerni hel qilish meqsitide türkiye büyük millet mejlisining nazariti astida chet eldiki türklerning mesililirige chare tépish üchün xizmet qilidighan komitét qurup chiqidighanliqlirini uqturdi. chet eldiki türklerning sanining 6 milyondin ashqanliqini, 5 milyon türkning gherbiy yawropada, 650 ming türkning firansiyede yashawatqanliqini éytqan mustafa yeneroghlu, chet eldiki türklerning médiya organlirini her jehettin qollaydighanliqlirini, chet eldiki türk öylirining tesis qilinidighanliqini, ammiwi teshkillatlirini qollash xizmetlirining bolsa téz sürette dawamlishiwatqanliqini bildürdi.

qirim xewer agéntliqi «türk éqim liniyesi 2019-yili ishqa kirishtürülidu»serlewhilik xewiride munu uchurlarni oqurmenlirining diqqitige sundi: «rusiyedin türkiyege yilda 15 milyard 75 milyon kup métir tebiiy gaz yötkeydighan türk éqimi liniyesidin 2019-yili gaz toshulushqa bashlaydu, türk éqimi layihesi bayanatchisi sandér wan rostéslar waqiplandurush yighinida mezkur layihening türkiyedin yawropagha tutushidighan liniyesining botash-gazpirom shirkitining hemkarliqi astida qurulidighan shirket teripidin yasilidighanliqini éytti.»

rusiyediki SPUTNİK xewer agéntliqi «erdoghan: londundin xitaygha tömür yol liniyesi biwaste berpa qilinidu»serlewhilik xewiride munu uchurlargha orun ajratti: «ezerbeyjanning paytexti bakuda baku-tiflis-kar tömüryol liniyesining échilish murasimida söz qilghan jumhur reis rejep tayyip erdoghan: <asiya bilen yawropani tömür yol arqiliq bir-birige tutashturimiz we londundin xitaygha tömür yol liniyesi yasilidu.> baku-tiflis-kars tömür yol layihesining 1 milyon yoluchi bilen 6 milyon 500 ming tonna yük yötkesh alahidilikige ige ikenlikini éytqan erdoghan mundaq dédi: «tömür yol liniyeside 2030-yili 3 milyon yoluchi qatnap, 17 milyon tonna  yük toshulidu.»

engliyediki roytéris xewer agéntliqi «rusiye türkiyening idlitbte muqimliq berpa qilishini ümid qilidu»serlewhilik xewiride munu uchurlarni oqurmenliri bilen ortaqlashti: «rusiye pirézidénti wiladimir putinning süriye alahide wekili aléksandér lawréntyéw türkiyening idlbte muqimliq berpa qilishini ümid qilidighanliqini éytti. süriye mesililiri boyiche chaqirilghan astana söhbet yighinigha ishtirak qilghan aléksandér lawréntyéw: <türkiye dairilirining idlibta toqunushmasliq rayon berpa qilish üchün zimmisige chüshken mesuliyitini ada qilidighanliqlirigha ishinimen we idlibta muqimliq berpa qilishini ümid qilimen>dédi.»

shinxua xewer agéntliqi «türkiye tashqi ishlar ministiri türkiyening xitay bilen birlikte tarixiy yipek yolini qaytidin janlanduridighanliqlirini bildürdi»serlewhilik xewiride munu uchurlargha orun ajratti: «tashqi ishlar minsitiri mewlüt chawushoghlo türkiyening xitay hökümiti bilen bolghan munasiwetlirini téximu kücheytish we tarixiy yipek yolini birlikte janlandurushni xalaydighanliqlirini éytti. türkiye taratqulirida bu heqte élan xewerlerde chawushoghlo sabiq shanliurfa parlamént ezasi emin önenning türkiyening xitaydiki turushluq elchixanisining elchilik wezipisige teyinlengenlikini uqturdi. 2015-yili noyabirda xitay bilen türkiye otturisida <bir belwagh bir yol>istiratégiyesi dairiside barliq sahelerde hemkarliq ornitishni teshebbus qilidighan siyasetlerni chöridigen halda <ottura karidor>layihesi boyiche hemkarliq ornitish mesiliside birdeklik hasil qilinghanidi.»

qirim xewer agéntliqi «türkiye nehchiwandin kelgen mallardin tamozhna béji almaydu»serlewhilik xewiride munu uchurlarni oqurmenlirining diqqitige sundi: «ezerbeyjangha qarashliq nehchiwan aptonom jumhuriyitidin türkiyege ewetilidighan mallardin tamozhna béji élinmaydu, ezerbeyjan iqtisad ishliri ministirliqi teripidin élan qilinghan bayanatta türkiye hökümiti ministirlar kéngishi teripidin bérilgen qarargha asasen, nehchiwanda ishlepchiqirilghan 13i yéza-igilik, 30i toqumuchiliq bolup 43 mehsulat étibar mallar tizimlikige kirgüzülgen we bu mehsulatlardin tamozhna béji élinmaydiken. bu qarar bügün ighdir shehiride ötküzülgen ezerbeyjan-türkiye soda munbiridimu yighin ehlige yetküzüldi. iqtisad ishliri ministirliqining bayanatida mundaq déyildi:bu qarar türkiye bilen ezerbeyjan otturisidiki soda hemkarliqigha paydisi tégidu.»