chet el metbuatlirida bu hepte: 25.10.2017

amérikidiki AP xewer agéntliqi «türkiye idlib herbiy herikitini axirlashturidighanliqini bildürdi»serlewhilik xewiride munu uchurlarni oqurmenliri bilen ortaqlashti: «jumhur reis rejep tayyip erdoghan süriyening idlib rayonida toqunushsiz  jay  berpa qilish pilanining köp qismining wujudqa chiqqanliqini éytti. parlaménttiki hakimiyet partiyesining parlamént ezalirigha xitab qilghan erdoghan kéyinki qedemning bölgünchi térrorluq teshkilati p k k ning süriye gumashtisi bolghan p y d-y p g ning tizgini astidiki afrin bolidighanliqini eskertken erdoghan mundaq dédi: aldimizda afrin mesilisi bar, burunmu déginimizdek bir küni tuyuqsiz kélip zerbe bérishimiz mumkin, bu qétimmu tuyuqsiz kélishimiz mumkin.»

irandiki pars tudey ( Parstoday) tor béti «erdoghan qatar tashqi ishlar ministirini qobul qildi»serlewhilik xewiride munu uchurlargha orun ajratti: «jumhur reis rejep tayyip erdoghan qatar tashqi ishlar ministiri sheyx muhemmed bin abdurahman el sanini jumhur reislik sariyida qobul qildi. tashqi ishlar ministiri mewlüt chawushoghlumu qatnashqan körüshüshte ikki dölet munasiwetlirini kücheytish mesilisi küntertipke keldi. bu ariliqta türkiye bilen qatar minsitirlar sewiyeside istiratégiyelik aliy komitéti yighini ötküzdi, qatar heyitige qatar tashqi ishlar minsitiri bashchiliq qilghan bolsa, türkiye heyitige mewlüt chawushoghlu bashchiliq qildi.»

rusiyediki nézawisimaya (Nezavisimaya) géziti «nowak türk éqimi tebiy gaz turuba liniyesining kélechiki üstide toxtaldi»serlewhilik xewiride munu uchurlarni neqil qildi: «rusiye énérgiye ishliri ministiri aléksandir nowak <türk éqimi>tebiiy gaz turuba liniyesi layihesining ikki liniyeside 370 kilométirliq musapening yasilip bolghanliqini bildürüp mundaq dédi: eng qisqa waqit ichide quruqluqtin ötidighan ötüsh liniyesi mesiliside kélishim hasil qilinishi kérek, 2018-yili dékabirghiche xizmetler tamlinishi lazim.»

rusiye awazi «qazanda chaqirilghan türk-rus hökümetlerara iqtisadiy komitéti yighinida muhim qararlar élindi»serlewhilik xewiride munu uchurlargha orun ajratti: «tataristanning paytexti qazanda chaqirilghan türk-rus hökümetlerara iqtisadiy komitéti yighinida muhim qararlar élindi. ikki dölet türk éqimi tebiiy gaz turuba liniyesi layiheside  bu yilning axirighiche ikkinchi liniyening quruqluq qismigha munasiwetlik kélishimini imzalash mesiliside birdeklik hasil qilishti. yighingha türkiyege wakaliten qatnashqan nihat zeybekchi rusiye bilen türkiye otturisida 2015-yili noyabirdin kéyin qoyulghan cheklimilerning pütünley bikar qilinghanliqini eskertti. zeybekchi ikki dölet otturisidiki soda omumiy sommisini 100milyard dollargha yetküzüsh nishani barliqini bildürüp mundaq dédi: ikki döletning yer asti we yer üsti bayliqlirini, ishlepchiqirish alahidiliklirini we yötkesh-istémal torlirini birleshtürgen waqitta 100 milyard dollarliq soda nishanigha yételeymiz.»

rusiyediki TASS xewer agéntliqi «rusiye qatnash minstirliqining türkiyening shopurlargha wiza belgilimisini bikar qilish teklipige pikri yoq»serlewhilik xewiride munu uchurlarni oqurmenliri bilen ortaqlashti: «rusiye qatnash ishliri muawin ministiri wiktor olérskiy rusiye fédratiyesi qatnash ishliri ministirliqining türkiyening uzun yolluq qatnash shopurlirigha wiza belgilimisi qoyulmasliq teklipige qarshi emeslikini bildürdi. olérskiy mundaq dédi: uzun yolluq qatnash shopurlirigha wizisiz belgilimisi qoyulmasliqigha qarshi emesmiz, bu jehettiki pozitsiyemizni türkiye yetküzduq, elwette ularmu buninggha qarshi emes, chünki ular özliri iltimas qildi.»