قابلِ تجدید توانائی کے فروغ کے دوران ہمیں ماضی کی غلطیوں کو دوہرانا نہیں چاہیے. اسٹالٹن برگ

نیٹو کے سیکرٹری جنرل ژینز اسٹالٹن برگ نے کہا ہے کہ ماضی میں قدرتی گیس کے حصول کے لئے روس پر انحصار کی طرح دورِ حاضر میں توانائی کی ری سائیکلنگ کے لئے نادر عناصر کی فراہمی کرنے والے چند ایک ممالک پر انحصار سے بچنے کی ضرورت ہے۔

اسٹالٹن برگ نے متحدہ عرب امارات کے شہر دبئی میں  اقوام متحدہ  کے ماحولیاتی تبدیلیوں  کی 28 ویں فریقین کانفرنس 'COP28'کے پینل سے خطاب کیا۔

خطاب میں انہوں نے کہا ہے کہ نیٹو، ماحولیاتی تبدیلیوں کے خلاف جدوجہد  میں کردار ادا کرنے کے لئے کاروائیاں کر رہا ہے۔ ہم، فوسل ایندھن سے قابل تجدید انرجی کی طرف واپسی کی حمایت کرتے ہیں۔

اسٹالٹن برگ نے کہا ہے کہ 2 سال قبل روس سے گیس کی خرید،  نیٹو کے رکن متعدد ممالک کے خیال میں، سیاسی نہیں تجارتی فیصلہ تھی لیکن اب یہ بات واضح ہو رہی ہے کہ مذکورہ فیصلہ تجارتی نہیں سیاسی تھا۔ اس وقت یقیناً تمام رہنماوں کو احساس ہو گیا ہے  کہ روسی گیس پر انحصار  ایک سیاسی فیصلہ تھا۔ اس فیصلے کا تعلق ہماری سلامتی سے تھا کیونکہ روس نے یوکرین پر مکمل قبضے کے بعد ہمیں مجبور کرنے کے لئے قدرتی گیس کو  بطور ہتھیار استعمال کیا ہے۔

اسٹالٹن برگ نے کہا ہے کہ قابلِ تجدید انرجی کے فروغ کے دوران ہمیں ماضی کی غلطی کو دوہرانا نہیں چاہیے۔ شمسی پینلوں اور بیٹریوں کی تیاری کے لئے نہایت اہمیت کے حامل زمینی عناصر کا چند ایک ممالک کے کنٹرول میں ہونا ایک مسئلہ ہے۔ لہٰذا  ہمیں، انرجی کی ری سائیکلنگ کے لئے ضروری عناصر اور خام مادّوں کی ترسیل کے معاملے میں ایک دو  ناقابل اعتبار رسد کنندگان  پر انحصار کر کے، ماضی کی غلطی کو دوہرانا نہیں چاہیے"۔