برطانیہ۔ شاہ چارلس سوئم کی ویسٹ منسٹر چرچ میں تااجپوشی کی رسم

ویسٹ منسٹر ایبی  چرچ میں برطانوی شاہ  چارلس سوئم کی تاجپوشی  تقریبات شروع ہو گئیں ۔

انگلستان کے بادشاہ چارلس اور ان کی اہلیہ کیمیلا کی دارالحکومت لندن میں واقع ان کی رہائش گاہ بکنگھم پیلس سے مقامی وقت کے مطابق صبح 10 بج کر 20 منٹ پر کارٹیج  روانگی کے ساتھ شروع ہونے والی فوجی  پریڈویسٹ منسٹر ایبی چرچ  پر نکتہ پذیر ہوئی۔

چرچ کی طرف 40 منٹ کا کارٹیج جہاں تاجپوشی کا انعقاد کیا جائے گا تقریباً 3 کلومیٹر کے راستے پر محیط تھا۔

بکنگھم پیلس کے بالمقابل مشہور دی مال اسٹریٹ سے پیدل چلتے ہوئے، کارٹیج ٹریفلگر اسکوائر پر پہنچنے کے بعد وائٹ ہال اسٹریٹ پر واپس آیا، جہاں پرائم منسٹر ہاوس  اور کئی وزارتیں واقع تھیں۔

اس گلی کے آخر میں پارلیمنٹ اسکوائر پر پہنچ کر، کارٹیج ویسٹ منسٹر ایبی چرچ کی طرف روانہ ہوا، جہاں تقریب منعقد ہوگی،شاہی  خاندان کے افراد اور اہلکار جو تاج پوشی کی تقریب میں بادشاہ کے ساتھ ہمراہ ہوں گے بھی چرچ میں داخل ہوئے۔

شاہ چارلس، شاہی خاندان کے ارکان اور حکام کی برطانوی فوج اور دولت مشترکہ کے رکن ممالک کے1400 فوجیوں  پر مشتمل  رجمنٹ  نے ہمراہی کی۔

کارٹیج کے اختتام کے ساتھ، تاریخی ویسٹ منسٹر ایبی چرچ میں مذہبی تقریب کا آغاز مقامی وقت کے مطابق 11:00 بجے ہوا۔

اس تقریب میں ترکیہ کی نمائندگی نائب صدر فواد اوکتائے کر رہے ہیں۔

بادشاہ چارلس کی تاجپوشی کے بعد تقریب کا اختتام ملکہ کیمیلا کی تاجپوشی کے ساتھ ہو گا اور بکنگھم پیلس کو واپسی شروع ہو جائے گی۔

1400 فوجیوں کی ہمراہی میں  چرچ آنے والا بادشاہ 4 ہزار فوجیوں  کے ساتھ محل واپس لوٹے  گا۔

دنیا بھر سے تقریباً 2200 مہمانوں کی  شرکت سے منعقد ہونے والی مذہبی رسم کے بعد بادشاہ اور ملکہ بکنگھم پیلس واپس لوٹیں گے اور  دوپہر اڑھائی بجے یہ  بالکونی سے عوام کو سلام پیش کریں گے۔

دریں اثنا شاہ  چارلس سوئم کی تاجپوشی کے خلاف احتجاج کرنے والی بادشاہت مخالف "ریپبلکن" تحریک کے رہنما گراہم اسمتھ کو حراست میں لے لیا گیا۔

دی گارڈین کی خبر کے مطابق لندن کے ٹریفلگر اسکوائر میں جہاں بادشاہت مخالف مظاہرے کیے جا رہے تھے، ریپبلکن موومنٹ کے سربراہ اسمتھ کو بینر ز تقسیم کرتے وقت  پولیس نے مداخلت کی۔

اسمتھ کے علاوہ بادشاہت مخالف مظاہروں کی قیادت کرنے والے 5 دیگر افراد کو پولیس نے روک لیا۔

آنے والے گھنٹوں میں ریپبلکن گروہوں کے 2,000 سے زیادہ مظاہرین  کے  ٹرافالگر اسکوائر میں جمع ہونے کی توقع ہے۔

تاجپوشی کی تقریب کے دوران کسی ممکنہ مظاہرے کے پیش نظر شہر میں 11 ہزار 500 پولیس اہلکار متعین کیے گئے ہیں۔

یاد رہے کہ ملکہ الزبتھ دوئم کی سن 1953 میں  تاجپوشی کی تقریب میں 8 ہزار سے زائد مہمانوں نے شرکت کی تھی۔