ہالینڈ۔ روس سفارتی بحران: روسی سفارتی عملہ ملک بدر، ہالینڈ قونصل خانہ بند

ہالینڈ حکومت نے کہا ہے کہ، جاسوس ہونے کی وجہ سے، روسی سفارتی عملے کے بعض افراد کو ملک بدر کر دیا جائے گا  اور ہالینڈ کےسینٹ پیٹرز برگ قونصل خانے کو بند کر دیا جائے گا۔

ہالینڈ حکومت کے انٹر نیٹ سائٹ جاری کئے گئے بیان میں کہا گیا ہے کہ " روسی جاسوس سفارتی عملے کے بھیس میں ہالینڈ میں پاوں جمانے کی کوششیں جاری رکھے ہوئے ہیں۔ روس نے ہالینڈ کے ماسکو سفارت خانے اور سینٹ پیٹرز برگ قونصل خانے کے عملے کو ویزے جاری نہیں کئے۔

بیان میں کہا گیا ہے کہ ہالینڈ میں روسی سفارتی عملے کی تعداد روس میں ہالینڈ کے سفارتی عملے سے زیادہ نہیں ہو گی۔ بعض روسی سفارتی اراکین کا ہالینڈ کو ترک کرنا ضروری ہے۔ ملک بدر کئے گئے روسی سفارتی عملے کو ہالینڈ کو ترک کرنے کے لئے 2 ہفتے کی مہلت دی گئی ہے۔ علاوہ ازیں ایمسٹرڈیم میں روس کے تجارتی دفتر کو بھی 21 فروری سے بند کر دیا جائے گا۔

بیان کے مطابق روس کے ویزے جاری نہ کرنے کی وجہ سے ہالینڈ کے سینٹ پیٹرز برگ قونصل خانے میں عملے کی تعداد ناکافی  ہے لہٰذا 20 فروری سے قونصل خانے کو بند کر دیا جائے گا۔

واضح رہے کہ 24 فروری کو روس کے یوکرین پر حملے شروع کرنے سے ایک ماہ بعد ہالینڈ نے جاسوسی کے الزام میں روسی سفارتی عملے کے 17 اراکین کو ملک بدر کر دیا تھا جواباً روس نے بھی ہالینڈ  سفارتی عملےکے 15 اراکین کوملک بدر کر دیا تھا۔