آذربائیجان نے فرانسیسی سفیر کو وزارتِ خارجہ طلب کرلیا

آذربائیجان  نے فرانسیسی سیاست دانوں کے منفی رویے کی وجہ سے باکو میں اس ملک کے سفیر این بوایون کو وزارت خارجہ طلب کیا ہے۔

آذربائیجان کی وزارت خارجہ کی طرف سے جاری کردہ بیان میں بتایا گیا ہے کہ فرانس کے مختلف سیاسی حلقوں کی جانب سے بہتان تراشی اور ہتک عزت پر مبنی مہم کو وسعت دینے اور جاری رکھنے پر محسوس ہونے والی بے چینی کو سفیر بوایون تک پہنچایا گیا اور ایک احتجاجی نوٹ مراسلہ دے دیا گیا ہے۔

بیان میں کہا گیا ہے کہ چند روز قبل فرانسیسی پارلیمنٹ میں نمائندگی کرنے والی سیاسی قوتوں کے رہنماؤں کی جانب سے فرانس کے صدر ایمانوئل میکرون کو لکھے گئے ایک خط میں آذربائیجان کے خلاف بے بنیاد الزامات عائد کیے گئے تھے۔ ایسے اقدامات جو آذربائیجان کی خودمختاری اور علاقائی سالمیت کے خلاف ہیں جو آذربائیجان کے  لیے  ناقابل قبول  ہیں۔

بوایون سے ملاقات کرنے والے وزارت کے عہدیداروں نے بھی فرانسیسی حکومت سے مطالبہ کیا کہ وہ آذربائیجان کے خلاف مہم کو فوری طور پر روکنے کے لیے ضروری اقدامات کرے۔