یورپی ممالک یوکیرین کو فضائی دفاعی نظام کی فراہمی کو تیز بنائیں، زیلنسکی
آج یوکرین کے محفوظ ہونے کا مطلب درحقیقت "یورپ کا محفوظ ہونا "
صدرِ یوکیرین ولادیمیر زیلنسکی نے مطالبہ کیا کہ یورپی یونین کے رکن ممالک یوکرین کو فضائی دفاعی نظام کی خریداری کے عمل کو تیز کریں۔
ولادیمیر زیلنسکی نے یورپی یونین کے بیلجیئم کے دارالحکومت برسلز میں منعقد ہونے والے 27 رکن ممالک کے سربراہان مملکت و حکومت کی شراکت سے 2 دن تک جاری رہنے والے اجلاس میں ویڈیو کانفرنس کے ذریعے شرکت کی۔
اس بات کی طرف اشارہ کرتے ہوئے کہ آج یوکرین کے محفوظ ہونے کا مطلب درحقیقت "یورپ کا محفوظ ہونا " ہے، زیلنسکی نے کہا کہ روس کے خطرات کے برخلاف سب کو اتحاد قائم کرنا چاہیے۔
لیکن واقعی ایک قابل اعتماد فضائی دفاعی ڈھال بنانے کے لیے ہمیں مزید فضائی دفاع اور میزائل شکن نظام کی ضرورت ہے۔ میں جانتا ہوں کہ یورپی یونین کے کچھ ممالک نے اس کام میں اپنی شرکت کی منظوری دی ہے۔ میں آپ سے گزارش کرتا ہوں کہ جتنا ممکن ہو سکے قراردادوں پر عمل درآمد کو تیز کریں۔"
انہوں نے روس کو ڈراونز فراہم کرنے والے ایران پر مزید سخت پابندیاں عائد کرنے کی ضرورت کا بھی دفاع کیا ہے۔
دوسری جانب یوکرین کے ایوان صدر کی سرکاری ویب سائٹ پر پوسٹ کیے گئے تحریری بیان میں کہا گیا ہے کہ زیلنسکی نے یوکرین کی قومی سلامتی اور دفاعی کونسل کی جانب سے تیار کردہ پابندیوں سے متعلق19 اکتوبر کو ایوان صدر کو جمع کرائے گئے دو حکم ناموں پر دستخط کر دیے ہیں۔
متعللقہ خبریں
یوکرین کے علاقے دنیپروپیتروسک پر روس کے میزائل حملوں میں 8 افراد ہلاک اور 29 زخمی
دنیپرو شہر میں ایک 5 منزلہ اپارٹمنٹ کو نشانہ بنایا گیا، جس سے 2 افراد ہلاک اور 20 زخمی ہوگئے
