روسی سائبر  ہیکرز کے یوکرین پر حملے جاری

امریکی ٹیکنالوجی کمپنی مائیکرو سافٹ نے اطلاع دی ہے کہ روسی سائبر  ہیکرز نے فوجی یوکرین کے خلاف حملے کیے ہیں۔

مائیکرو سافٹ نے یوکرین میں روس کے سائبر حملوں کے بارے میں ایک نئی رپورٹ جاری کی ہے۔

رپورٹ میں کہا گیا ہے کہ دیکھا گیا ہے کہ روسی ریاست کے سائبر ایکٹرز نے فوجی آپریشن سے ہم آہنگ ہو کر حملے کیے ہیں۔

انہوں نے کہا کہ  کم از کم 6 الگ الگ روسی حمایت یافتہ ہیکر گروپس نے تباہ کن سائبر حملے کیے جب کہ روسی فوجی دستوں نے یوکرین پر حملہ کیا، رپورٹ میں یہ بھی کہا گیا کہ ہیکرز مختلف جاسوسی اور انٹیلی جنس سرگرمیوں میں مصروف تھے۔

رپورٹ میں کہا گیا ہے کہ 23 ​​فروری سے 8 اپریل تک تقریباً 40 تباہ کن حملوں کے شواہد دیکھے گئے جنہوں نے یوکرین میں درجنوں تنظیموں کے سینکڑوں سسٹمز کی فائلوں کو مستقل طور پر تباہ کر دیا۔

رپورٹ  میں   بتایا گیا ہے کہ  40 فیصد سے زیادہ تباہ کن حملے بنیادی ڈھانچے کے اہم شعبوں میں تنظیموں پر کیے گئے، جب کہ ان میں سے 32 فیصد نے براہ راست یوکرین کے ریاستی اداروں کو نشانہ بنایا۔

 یاد رہے روسی فوجیوں نے 24 فروری کو یوکرین پر حملہ کیا  تھا۔