فرانس میں صدارتی انتخابات 24 اپریل کو منعقد ہو رہے ہیں

اتوار 24 اپریل کو ہونے والے صدارتی انتخابات کے دوسرے مرحلے میں فرانس کے عوام صدر ایمانوئل میکرون اور انتہائی دائیں بازو کی مارین لی پین کے درمیان انتخاب کریں گے۔

تقریباً 67 ملین آبادی کے حامل ملک میں، 48.7 ملین ووٹرز 5 سال تک خدمات انجام دینے  کے لیے  نئے صدر کا تعین کرنے کے لیے پولنگ میں حصہ لیں گے۔

پولنگ سٹیشنوں میں ووٹنگ فرانس کے مقامی وقت کے مطابق صبح 8 بجے شروع ہو کر  شام 7  بجے ختم ہوگی۔

بڑے شہروں میں 8 بجے تک ووٹ ڈالے جا سکتے ہیں۔

تحقیقی کمپنیاں پولنگ کے اختتام کے ساتھ ہی انتخابات کے تخمینی نتائج دینا شروع کر سکیں گی۔

سرکاری نتائج کا اعلان آئینی کونسل 27 اپریل کو کرے گی۔