اگر روس جیسے ہتھیار ہمارے پاس ہوتے تو یہ جنگ عرصہ قبل ختم ہو جاتی، زیلنسکی

یوکیرینی صدر ولا دیمر زیلنسکی   کا کہنا ہے کہ اگر روس کی طرف سے استعمال کردہ ہتھیاروں تک  ہماری بھی رسائی ہوسکتی تو  ہم اس جنگ کو  کافی مدت قبل ختم  کرتے ہوئے امن قائم  کر لیتے۔

ولا دیمر زیلنسکی نے یومیہ  قوم سے خطاب میں  55 دنوں سے جاری   روس۔ یوکیرین جنگ کے بارے میں اپنے جائزے پیش  کرتے ہوئے کہا کہ ’’اگر ہماری ضرورت ہونے والے اور ہمارے اتحادیوں کے پاس موجود  روس کے استعمال کردہ  تمام تر ہتھیار ہوتے تو  ہم  اس جنگ کا کافی پہلے ہی  خاتمہ کرتے ہوئے   امن سے ہمکنار ہو جاتے۔ ‘‘

زیلنسکی نے بتایا کہ  حکمت عملی اور حربے کے اعتبار سے  یوکرینی فوج  کی برتری بالکل واضح ہے، ہماری  مسلح افواج اور پوری قوم بہادری سےملک کا  دفاع کر رہی ہے۔

"اس جنگ میں روسی فوج ہمیشہ کے لیے اپنے آپ کو دنیا کی تاریخ میں شاید دنیا کی سب سے وحشی اور غیر انسانی فوج کے طور پر لکھے گی۔" روسی فوج نے یوکرین میں شہریوں کے جان بوجھ کر قتل، بستیوں اور شہری انفراسٹرکچر کی تباہی اور بین الاقوامی کنونشنز کے ذریعے ممنوعہ ہتھیاروں سمیت ہر قسم کے ہتھیار استعمال کیے ہیں۔