ہم روس اور یوکیرین بحران میں مضبوط پالیسیوں کے مالک ہیں، یورپی یونین

یونین کے خارجہ تعلقات اور سلامتی کی پالیسی کے اعلیٰ نمائندے جوزف بوریل نے اعلان کیا کہ وہ روس کے خلاف اتحاد میں ہیں اور یورپی یونین سائبر اور ہائبرڈ خطرات کے خلاف جنگ میں یوکرین کی حمایت کے لیے ایک مشن تفویض کر سکتی ہے۔

بوریل نے یورپی یونین کے وزرائے خارجہ کے اجلاس کے بعد منعقدہ پریس کانفرنس میں کہا کہ وہ ایک مضبوط پیغام دینا چاہتے ہیں کہ روس کی جانب سے ممکنہ جارحیت کی صورت میں یورپی یونین متحد ہے۔

یہ استدلال کرتے ہوئے کہ یورپی یونین روس کے ساتھ مذاکرات سے باہر نہیں ہے، بوریل نے زور دیا کہ امریکہ کے ساتھ ہر ملاقات سے پہلے اور بعد میں اس پر بات چیت اور ہم آہنگی قائم کی جاتی ہے۔

بوریل نے کہا کہ ہمارا روس کے برخلاف مؤقف  تین  نقطہ نظر پر مبنی ہے۔

انہوں نے بتایا کہ پہلا نقطہ نظر ڈپلومیسی اور ڈائیلاگ ہے، اگر یہ آپشن کام نہیں کرتا ہے، تو یورپی یونین، روس کے خلاف اپنے ردعمل کے لحاظ سے کافی مضبوط  پوزیشن میں ہے۔

"ایک مضبوط یونین میں نہ صرف یورپی یونین کے اندر بلکہ بین الاقوامی سطح پر تیز اور فیصلہ کن کارروائی ہوگی، ہم  یوکرین کی مالی اور دوسرے طریقوں سے مدد کریں گے۔