ہم ایران کے ساتھ جوہری مذاکرات کے دوبارہ آغاز کے بارے میں پُر امید ہیں: بوریل
کوئی حتمی معلومات موجود نہیں ہیں لیکن میں اس معاملے میں ماضی کے مقابلے میں زیادہ پُر امید ہوں: جوزف بوریل
یورپی یونین کے ہائی کمیشنر برائے خارجہ تعلقات و سلامتی پالیسی جوزف بوریل نے کہا ہے کہ ہم، ایران کے ساتھ دوبارہ سے جوہری مذاکرات شروع کرنے کے معاملے میں، پُر امید ہیں۔
21 تا22 اکتوبر کو متوقع یورپی یونین سربراہی اجلاس سے قبل یورپی یونین ممالک کے وزرائے خارجہ نے لکسمبرگ میں منعقدہ اجلاس میں شرکت کی۔
اجلاس سے قبل ہائی کمیشنر برائے خارجہ تعلقات و سلامتی پالیسی جوزف بوریل نے جاری کردہ بیانات میں جمعرات کے دن بیلجئیم کے دارالحکومت برسلز میں ایران اور یورپی یونین کے درمیان متوقع مذاکرات سے متعلق شائع ہونے والی خبروں کے بارے میں کہا ہے کہ کوئی حتمی معلومات موجود نہیں ہیں لیکن میں اس معاملے میں ماضی کے مقابلے میں زیادہ پُر امید ہوں۔ تاحال کوئی تصدیق نہیں ہوئی لیکن اتنا ضرور کہہ سکتا ہوں کہ حالات زیادہ بہتر جا رہے ہیں۔
بوریل نے کہا ہے کہ کوئی یقینی بات نہیں کہہ سکتا لیکن مجھے امید ہے کہ آئندہ دنوں میں تیاری اجلاس منعقد ہو گا۔
بوریل نے کہا ہے کہ ہم اجلاس کا آغاز، بلند ترین گراس ڈومیسٹک پروڈکٹ کے مالک لیکن اس کے ساتھ ساتھ یمن جیسے انسانی بحران کے شکار پیچیدہ علاقے یعنی، خلیج سے کریں گے۔
انہوں نے کہا ہے کہ "ہمیں اس علاقے کے ساتھ زیادہ قریبی تعلقات قائم کرنے چاہئیں۔ ہم نے دنیا کے اس حصے کو ضروری اہمیت نہیں دی اور اب اسے اہمیت دینے کا وقت ہے"۔
