ڈنمارک میں کورونا کی 31 نئی اقسام سامنے آگئیں

ڈنمارک  میں کورونا کی 31 مختلف اقسام کا پتہ چلا ہے۔

 وزیر صحت میگنس ہیونک نے سوشل میڈیا پر اپنے بیان میں کہا ہے کہ حالیہ ایام کے دوران  ڈنمارک میں کورونا کی  نئی 15 مختلف اقسام  کا پتہ لگایا گیا ہے  جن سے ان کی مجموعی تعداد  31  ہو گئی  ہے۔

 واضح رہے کہ ڈنمارک میں برطانیہ سے کورونا کی نئی قسم B117  اور بعد ازاں جنوبی افریقہ سے B1351 اور برازیل  سے P1 اقسام دریافت ہوئی تھیں۔

 ڈنمارک میں کورونا سے اموات کی تعداد 2379  اور متاثرین کی تعداد 2 لاکھ 14 ہزار 839 ہو چکی ہے۔