سویڈن کی مسجد کو سفید سفوف ملادھمکی آمیز خط موصول،مسلم آبادی میں تشویش

سویڈن کی ایک مسجد سے دھمکی آمیز خط ملا ہے جس پر سفید سفوف کی نشاندہی کی گئی ہے۔

 اپسالا شہر میں واقع اس مسجد کی انتظامی کمیٹی کے ترجمان شادی کاسکین نے  اس بات کی تصدیق کی  اور بتایا کہ انتظامیہ نے پولیس کو  مطلع کر دیا ہے۔

کاسکین نے بتایا کہ خط پر  مسلمانوں کی موجودگی قبول نہیں کی عبارت تحریر تھی جس پر نمازیوں میں خوف و ہراس پھیل گیا کیونکہ اس قسم کی دھمکیاں ماضی میں بھی ہمیں مل چکی ہیں۔

دوسری جانب پولیس کا کہنا ہے کہ خط پر موجود سفید سفوف بے ضرر  ہے جبکہ  اس سلسلے میں ضروری تفتیش شروع کر دی ہے۔