نوالنی کی حالت قدرے مستحکم ہے: جرمن ڈاکٹرز
یاد رہے کہ مشتبہ طور پر زہر سے ایک حملے کا شکار ہونے والے اس روسی مخالف رہنما کو گزشتہ روز روس سے ایک ایئر ایمبولینس کے ذریعے جرمن دارالحکومت میں واقع شاریٹے ہسپتال منتقل کیا گیا تھا
1477594
جرمن دارالحکومت برلن کے ایک ہسپتال میں زیر علاج روسی صدر پوٹن کے ناقد الیکسی نوالنی کی حالت مستحکم ہے۔
مشتبہ طور پر زہر سے ایک حملے کا شکار ہونے والے اس روسی مخالف رہنما کو گزشتہ روز روس سے ایک ایئر ایمبولینس کے ذریعے جرمن دارالحکومت میں واقع شاریٹے ہسپتال منتقل کیا گیا تھا۔
نوالنی کے ساتھیوں نے الزام عائد کیا ہے کہ صدر پوٹن نے انہیں زہر دلوایا ہے تاہم ماسکو حکومت نے ان الزامات کو مسترد کر دیا ہے۔
جرمن ڈاکٹروں کے مطابق 44 سالہ نوالنی کے طبی ٹیسٹ کرنے کے بعد ہی علم ہو سکے گا کہ ان کی حالت اچانک کیوں بگڑ گئی تھی۔
