وادی اردن میں یہودی بستیوں کے قیام کا منصوبہ نا قابل قبول ہے:یورپی یونین

یورپی یونین  نے    اسرائیل کی طرف سے وادی اردن  میں نئی یہودی بستیوں کی تعمیر اور اس کے  الحاق  کے منصوبے پر تشویش کا اظہار  کرتےہوئے ضروری اقدامات اٹھانے کا عندیہ دیا ہے ۔

یورپی خارجہ تعلقات کی  ذمے دار  فیدیریکا موگیرینی نے  اپنے تحریری بیان میں  کہا کہ حکومت اسرائیل  کا    نئی یہودی بستیوں کے قیام کا منصوبہ عالمی قوانین کی خلاف  ورزی اور   قابل مذمت ہے   اور اسے اس قسم کے   منصوبوں سے رکنا چاہیئے۔

 موگیرینی نے  کہا کہ  اگر اسرائیل نے  ایسے اقدام بند نہ کیے تو یہ  دو ریاستی حل    اور خطے کےلیے نقصان  دہ ثابت ہونگے۔